Košt nafty marki Brent upieršyniu za dva hady pierasiahnuŭ sumu ŭ 60 dalaraŭ za baral. Apošni raz «psichałahičnaja adznaka» pieraadolvałasia ŭ lipieni 2015 hoda, paviedamlajuć infarmahienctvy.
Zrešty, analityki pakul nie mocna zaradžanyja aptymizmam i śćviardžajuć, što ŭžo da siaredziny nastupnaha tydnia jaje košt vierniecca na adznaku 55 dalaraŭ za baral.
U chodzie tarhoŭ na Mižkantynientalnaj biržy ICE u Łondanie cana nafty pavialičyłasia na 1,3% i skłała 60,07 dalaraŭ za baral. Dadzienyja ličby vyklikanyja zajavami Saudaŭskaj Aravii i čakańniami APIEK+ ab skaračeńni zdabyčy nafty na praciahu bolš praciahłaha času.
Ministry enierhietyki Saudaŭskaj Aravii i Rasii — Chalid al-Falich i Alaksandr Novak — padčas niadaŭniaj sustrečy adznačyli, što hatovyja padoŭžyć ździełku APIEK+, kali rynak nafty nie zbałansuje. Sumarna zdabyča nafty skaročanaja na 1,8 młn baralaŭ u sutki.
Na praciahu apošniaha miesiaca naftavyja katyroŭki padahravali šerah navin: zachop irakskimi i siryjskimi kurdami naftavych radoviščaŭ, vajaŭničyja zajavy ZŠA ŭ dačynieńni da Irana, danyja ab zdabyčy słancavaj nafty, a taksama žadańnie členaŭ APIEK+ padoŭžyć dziejańnie pahadnieńnia.
Aryštavany 75‑hadovy Źmicier Sańko — vieteran-vydaviec3
Kamientary