Hrodzieniec Vadzim Frałoŭ skaryŭ samy vysoki punkt Aŭstralii i Akijanii - piramidu Karstens i pastaviŭ tam ściah Biełarusi, paviedamlaje BiełTA sa spasyłkaj na ANT.
Na rachunku Vadzima Frałova heta ŭžo čaćviorty pik z hałoŭnaj prahramy alpinistaŭ «Siem viaršyniaŭ» - zavajavańnie najvyšejšych kropak usich šaści kantynientaŭ.
Piramida Karstens - samaja ekzatyčnaja viaršynia Aŭstralii i Akijanii. Ździajśniać uzychodžańnie hrupie, u składzie jakoj byŭ biełarus, pryjšłosia ŭ vielmi niebiaśpiečnaj abstanoŭcy. Praciŭnikam alpinistaŭ było nie tolki nadvorje (vysokaja vilhotnaść i pierapady tempieratur), ale i składanaja abstanoŭka ŭ pravincyi Papua: miascovyja papuasy-bandyty vajujuć z palicyjaj i nasielnictvam.
Z-za niebiaśpieki napadu da padnožža piramidy alpinistaŭ dastaŭlali viertalotam. Tamu jany i vyrašyli admovicca ad aklimatyzacyi. Zvyčajna na heta traciać da troch dzion.
Na piku vyšynioj u 4 884 m Vadzim Frałoŭ razharnuŭ ściah Biełarusi. Na viaršyni piramidy Karstens taksama byŭ razhornuty i ściah Hrodna.
U toj dzień, akramia biełaruskaha, na piku byli jašče dva ściahi: rasijski i ŭkrainski. Hrupa i nazyvała siabie «try siastry».
Hałoŭnaja mara dla Vadzima Frałova ciapier - Evierest. Jon choča padniacca vyšej «zony śmierci» - 8 tys. m nad uzroŭniem mora.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary