Hiendyrektaram TAA «Kankord mieniedžmient i kansałtynh», pavodle dadzienych bazy «SPARK-Interfaks», 14 listapada staŭ Dźmitryj Valerjevič Utkin — poŭny ciozka mierkavanaha kamandzira PVK Vahniera. Na hetaj pasadzie jon źmianiŭ Anastasiju Saŭcinu. Proźvišča, imia i imia pa baćku novaha mieniedžara supadaje ź imiem mierkavanaha kamandzira PVK Vahniera.
RBK nakiravaŭ aficyjny zapyt pradstaŭnikam Jaŭhiena Pryhožyna. Krynica RBK u atačeńni Pryhožyna paćvierdziła, što havorka idzie pra mierkavanaha kamandzira VVK Vahniera.
«Kankord mieniedžmient i kansałtynh», pavodle infarmacyi na sajcie kampanii, uvachodzić u HK «Kankord» (saŭładalnik pieciarburhski biznesmen Jaŭhien Pryhožyn). Firma źjaŭlajecca kirujučaj kampanijaj restarannaha chołdynhu Pryhožyna. Joj naležać niekalki restaranaŭ u Maskvie, a taksama sietka bucikoŭ «Muziej šakaładu».
Kampanija Pryhožyna «Kankord M» pastaŭlaje charčavańnie dla Kiraŭnictva spraŭ prezidenta Rasii. Biznesmen zajmajecca pastaŭkami 90% abiedaŭ u maskoŭskich škołach, źviazanyja ź im struktury vyjhrali tendary na ŭborku ŭ kazarmach i navučalnych ustanovach Minabarony.
Pieciarburhskaje vydańnie «Fontanka» nieadnarazova nazyvała Utkina kamandziram pryvatnaj vajennaj kampanii Vahniera. Upieršyniu «hrupa Vahniera» źjaviłasia na Blizkim Uschodzie niezadoŭha da taho, jak Rasija stała aficyjna razhortvać svaje vajskovyja bazy ŭ Siryi. U hrupie słužyli amal 2,5 tys. čałaviek. Bajcy «Vahniera» taksama brali ŭdzieł u bajach na paŭdniovym uschodzie Ukrainy.
Vahnier, pa dadzienych «Fantanki», — heta bajavy pazyŭny Utkina. Kamandzir hrupy źjaŭlajecca aficeram zapasu i raniej słužyŭ u pskoŭskaj bryhadzie HRU. U śniežni 2016 hoda Utkin byŭ zaprošany na pryjom u honar śviatkavańnia Dnia hierojaŭ Ajčyny ŭ Hieorhijeŭskaj zale Vialikaha Kramloŭskaha pałaca.
Ciapier čytajuć
U Minsku pieradumali znosić chruščoŭki. Renavacyja zakranie dvuch-trochpaviarchovyja damy1
Kamientary