U polskaj častcy Biełaviežskaj puščy spynili pracu charviestary (lesanarychtoŭčyja kambajny), paviedamiŭ Konrad Tamašeŭski, kiraŭnik dyrekcyi lasoŭ Polščy, paviedamlaje polskaje vydańnie Gazeta Prawna.
Spynieńnie vysiečki adbyłosia paśla paśla rašeńnia suda ES, jaki nakłaŭ na krainu štraf €100 tys. za kožny dzień rabot.
Tamašeŭski zajaviŭ, što vyvad ciažkaj techniki z puščy nie źviazany z rašeńniem suda, a pracy pravodzilisia tolki ŭ ramkach kłopatu pra stan lesu. Ministr navakolnaha asiarodździa krainy Jan Šyška, u svaju čarhu, zajaviŭ, što całkam upeŭnieny ŭ tym, što dziejańni Polščy adpaviadali zakanadaŭstvu ES. Tamu, padkreśliŭ Šyška, da Polščy nie mohuć być užytyja jakija-niebudź sankcyi.
Štrafam za praciah vysiečki dreŭ u Biełaviežskaj puščy Jeŭrapiejski sud pryhraziŭ Polščy napiaredadni, 20 listapada. Sud zapatrabavaŭ spynić usie lesahaspadarčyja pracy ŭ zapaviedniku za vyklučeńniem tych, jakija patrabujucca ŭ metach biaśpieki pryrodnych resursaŭ, dadaje RBK.
U Polščy vysiečku dreŭ u Biełaviežskaj puščy patłumačyli baraćboj z žukom-karajedam. Pa dadzienych polskich uładaŭ, zaražeńnie adbyłosia na płoščy 34 tys. ha. Dla baraćby sa škodnikam było pryniata rašeńnie vysiekčy paciarpiełyja drevy, a taksama vyvieźci suchastoj.
Aktyŭnyja raboty ŭ lesie, jaki ŭvachodzić u śpis suśvietnaj spadčyny JUNIESKA, pačalisia ŭ mai 2016 hoda.
Aryštavany 75‑hadovy Źmicier Sańko — vieteran-vydaviec3
Kamientary