Hienietyki z Univiersiteta štata Ńju-Jork praanalizavali dzieviać uzoraŭ, uziatych z pareštkaŭ nibyta śniežnych ludziej, abo jeci. Pra toje, kamu naležać pareštki, jakija zachoŭvalisia ŭ muziejach, klaštarach i pryvatnych kalekcyjach, pavodle hienietyčnaj ekśpiertyzy, navukoŭcy raspaviali ŭ časopisie Proceedings of the Royal Society B, piša Science.
Aŭtary daśledavańnia vyvučyli dzieviać uzoraŭ kostak, zuboŭ, skury, vałasoŭ i ekskremientaŭ, jakija, jak śćviardžajecca, naležali jeci — mifičnaj małpapadobnaj istocie, što žyvie ŭ Himałajach. Siarod ich znojdzieny ŭ piačory frahmient ściehnavoje kostki i kavałačak skury z ruki jeci, jaki doŭhi čas zachoŭvaŭsia ŭ miascovym manastyry ŭ jakaści relikvii.
Hienietyčny analiz pakazaŭ, što kavałačak skury naležaŭ himałajskamu miadźviedziu, a kostka — tybieckamu buramu. U cełym, ź dzieviaci ŭzoraŭ adzin apynuŭsia uziaty z pareštkaŭ sabaki, a astatnija — troch roznych vidaŭ miadźviedziaŭ.
Heta nie pieršy hienietyčny analiz, jakomu padviarhajuć «pareštki jeci», ale, jak adznačajuć aŭtary pracy, jon źjaŭlajecca najbolš padrabiaznym i dakładnym z usich, praviedzienych na dadzieny momant.
Akramia pravierki lehiend ab jeci, analiz dapamoh udakładnić ujaŭleńni ab evalucyi miadźviedziaŭ u Himałajach. Tak, navukoŭcy ŭstalavali, što ŭ tybieckaha buraha miadźviedzia jość blizkija svajaki siarod vidaŭ, jakija žyvuć pa ŭsioj Jeŭrazii i ŭ Paŭnočnaj Amierycy, a himałajskija miadźviedzi adździalilisia ad ahulnych z burymi miadźviedziami prodkaŭ jašče 650 tysiač hadoŭ tamu.
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
-
Mask płanuje stvaryć na kalaziamnoj arbicie sapraŭdnaje suzorje centraŭ apracoŭki danych. Rasija zaniepakojenaja
-
Apple nabyła sakretnuju izrailskuju technałohiju sčytvańnia mimiki
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary