Hienieralnaja Asambleja AAN pryniała rezalucyju pra niepryznańnie rašeńnia ZŠA pa statusie Ijerusalima ŭ jakaści stalicy Izraila, u chodzie hałasavańnia ŭ čaćvier za dakumient prahałasavali 128 krain, suprać 9, jašče 35 ustrymalisia, paviedamlaje RIA Novosti.
Suprać rezalucyi vystupili ZŠA, Izrail, Hvatemała, Handuras, Maršałavy vyspy, Mikraniezija, Nauru, Pałau, Toha.
Raniej prezident ZŠA Donald Tramp zajaviŭ, što jaho kraina spynić akazvać finansavuju dapamohu krainam, jakija padtrymajuć rezalucyju HA AAN, jakaja asudžaje rašeńnie ZŠA pryznać Ijerusalim stalicaj Izraila.
Zhodna z pryniatym dakumientam, «lubyja rašeńni i dziejańni, jakija majuć namier źmianieńnia charaktaru, statusu i demahrafičnaha składu śviatoha horada Ijerusalima, nie majuć jurydyčnaj siły, źjaŭlajucca niesapraŭdnymi i pavinny być admienienyja». Rezalucyja taksama «patrabuje, kab usie dziaržavy» «nie pryznavali nijakich dziejańniaŭ abo mier, jakija razychodziacca z rezalucyjami» Savieta biaśpieki AAN.
U pačatku śniežnia prezident ZŠA Donald Tramp abviaściŭ ab pryznańni Ijerusalima stalicaj Izraila i padpisaŭ dakumient ab pieranosie tudy amierykanskaj ambasady z Tel-Aviva. Rašeńnie amierykanskaha lidera było pazityŭna pryniata ŭ Izraili i vyklikała niehatyŭnuju reakcyju z boku mnohich dziaržaŭ śvietu, u pieršuju čarhu krain Blizkaha Ŭschodu i Palestyny.
U SB AAN 18 śniežnia adbyłosia hałasavańnie pa prajekcie rezalucyi, prapanavanym Jehiptam ad imia «arabskaj hrupy». Dakumient pryznavaŭ nie majučymi zakonnaj siły ŭsie rašeńni i dziejańni, nakiravanyja na źmianieńnie abličča, statusu i demahrafičnaha składu Ijerusalima, zaklikaŭ usie dziaržavy ŭstrymlivacca ad adkryćcia ŭ hetym horadzie dypłamatyčnych pradstaŭnictvaŭ u adpaviednaści z patrabavańniem rezalucyi Savieta 478 (1980 h.). Rezalucyja nie była pryniataja, bo ZŠA ŭžyli prava vieta, usie astatnija členy SB prahałasavali «za».
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary