Samaja papularnaja ŭ śviecie kryptavaluta bitkojn u pačatku hoda demanstruje niehatyŭnuju dynamiku, vynikaje z dadzienych tarhoŭ. Tak jana pačała hod upieršyniu z 2015-ha.
Pavodle źviestak partała CoinMarketCap, da 10:20 bitkojn patańnieŭ na 3,08 % — da 13,5 tysiačy dalaraŭ. Na biržy Bitfinex jon źnižaŭsia na 4,43 %, da 13,22 tysiačy dalaraŭ, na GDAX — na 0,97 %, da 13,35 tysiačy dołaraŭ, a pavodle źviestak partała Coindesk — na 0,71 %, da 13,32 tysiačy dalaraŭ.
Pa vynikach na 1 studzienia bitkojn źniziŭsia bolš čym na try pracenty. Dla paraŭnańnia: u pieršy dzień 2017 hoda jon vyras u canie na 3,6 pracenta — da 998 dalaraŭ.
Da śniežnia košt bitkojna nie pieravyšała 10 tysiač dalaraŭ, ale zatym pačaŭsia vybuchny rost — 18 śniežnia kryptavaluta dasiahnuła maksimumu ŭ 19,511 tysiačy dalaraŭ, a ŭsiaho pa vynikach hoda padaražeła ŭ 14 razoŭ. Zatym pačałosia źnižeńnie, jakoje paskoryłasia ŭ apošnija dni śniežnia paśla navin ab čarhovym ukaranieńni pratakołu, u vyniku jakoha ŭtvaryłasia jašče adna kryptavaluta — Bitcoin God (GOD).
Što da inšych kryptavalut, dyk, pavodle źviestak CoinMarketCap, košt Ethereum vyras na 14,39 %, da 882,84 dalara, Bitcoin Cash — źniziŭsia na 2,6 %, da 2,45 tysiačy dalaraŭ, Ripple — vyras na 1,81 %, da 2,29. Kapitalizacyja rynku kryptavalut składaje 627,88 miljarda dalaraŭ, bolš za tracinu prypadaje na dolu bitkojna.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary