Žurnalist rasijskaha resursu Life (były «Łajfńjuz») Jaŭhien Noryn u svaim materyjale z krasamoŭnaj nazvaj «Po kijevskomu ścienariju. Počiemu my tieriajem Biełoruśsiju?» pasprabavaŭ praanalizavać biełaruska-rasijskija adnosiny i pryjšoŭ da niesuciašalnych dla Rasii vysnoŭ.
U materyjale aŭtar źviarnuŭ uvahu na toje, što pa bolšaści prablemnych pytańniaŭ (pryznańnie Paŭdniovaj Asiecii, Abchazii i anieksii Kryma) Biełaruś nie tolki palityčna nie padtrymała Rasiju, ale i pajšła dalej: aktyŭna handlavała z Ukrainaj vajskovaj technikaj i palivam.
Dalej Jaŭhien Noryn apisvaje «paŭzučuju nacyjanalistyčnuju biełarusizacyju», jakaja nibyta adbyvajecca ŭ Biełarusi.
«Sutnaść spravy ŭ pastupovym vyciaśnieńni ruskaj movy z hramadskaha i palityčnaha žyćcia na karyść biełaruskaj movy», — upeŭnieny spadar Noryn.
Nie zastałasia pa-za ŭvahaj aktyŭnaść Ihara Słučaka, jakoha aŭtar abvinavačvaje ŭ ckavańni čynoŭnikaŭ.
«Naohuł, dla miascovych nacyjanalistyčnych aktyvistaŭ drobnaje ckavańnie nizavych čynoŭnikaŭ praz prakuraturu stała svojeasablivym sportam: u tym vypadku kali słuha naroda nie moža adkazać pa-biełarusku, dla jaho dabivajucca štrafu».
Aŭtar apisvaje nie tolki dziejnaść aktyvistaŭ, ale i ŭładaŭ. Žurnalist Life śćviardžaje, što Ministerstva adukacyi Biełarusi «buduje płany ab pieravodzie navučalnaha pracesu ŭ abaviazkovym paradku na biełaruskuju movu dla asnoŭnych VNU krainy».
Jaŭhien Noryn vielmi ździŭlajecca faktu, što Tadevuša Kaściušku ŭ Biełarusi nie ličać palakam, a «adšukvajuć u jaho biełaruskija karani».
Asablivuju ŭvahu aŭtar źviarnuŭ na biełaruski siehmient internetu, jaki jon ličyć antyrasijskim.
«Prarasijskich internet-ŚMI paprostu amal nie isnuje, i hety praces vielmi nahadvaje toje, što adbyvałasia va Ukrainie ŭ pačatku 10-ch hadoŭ», — piša Life.
Taksama ŭ materyjale aŭtar apisvaje ciažki los prarasijskich aktyvistaŭ u Biełarusi.
«Adsutničajuć prykmietnyja palityčnyja arhanizacyi, i navat kulturnyja centry mohuć zakryvacca».
Nie abminuŭ spadar Noryn i rezanansny sud nad aŭtarami sajta Regnum, jakich jon ličyć viaźniami sumleńnia.
«Zruchi, jakija adbyvajucca ŭ biełaruskim hramadstvie — vializny vyklik dla Rasii. Z adnaho boku, jašče ničyje adnosiny nie paciapleli paśla prostaha vykručvańnia ruk. Ale, kali adkinuć iluzii, prosta za pamiežnymi słupami raście niepryjaznaja da Rasii ideałohija», — piša aŭtar Life.
Noryn miarkuje, što adnosiny pamiž biełaruskim i ruskim narodami zachoŭvajucca ciopłymi, i biełarusy pieravažna nie padzialajuć nacyjanalistyčnuju ideałohiju. Ale jon ličyć, što aktyŭnaja mienšaść u Biełarusi nibyta zdolnaja naviazać svaju volu bolšaści. U jakaści prykładu jon iznoŭ pryvioŭ Ukrainu.
Na dumku aŭtara, Rasija šmat čaho moža prapanavać Biełarusi ŭ ekanamičnym płanie, ale z hramadskim mierkavańniem Biełarusi jana nie pracuje.
«Najbolš stojkija i rašučyja prychilniki Rasii ŭ biełaruskim hramadstvie zaraz adčuvajuć siabie prosta kinutymi», — piša Jaŭhien Noryn.
***
Na telehram-kanał «Našaj Nivy» možna padpisacca tut.
-
Tomas Viencłava: «Litva i Biełaruś nikoli nie varahavali. Heta redki vypadak dla adnosin dvuch narodaŭ»
-
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
-
Minsku treba vydušyć ź siabie pravincyjnaść i viarnuć nachabstva i blask Vialikaha Horada
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj77
Kamientary