Uviečary 4 studzienia złamyśniki pranikli ŭ dom indyvidualnaha pradprymalnika ŭ Pinsku, źviazali jaho žonku i 11-hadovuju dačku i pad pahrozaj zbroi zapatrabavali hrošy. Nie razhubiŭšysia, mužčyna zdoleŭ nacisnuć tryvožnuju knopku.
Praz čatyry chviliny na miesca zdareńnia prybyŭ narad Departamienta achovy MUS. Supracoŭniki milicyi zaŭvažyli ślady praniknieńnia ŭ žyllo, a taksama mužčynu ŭ mascy, jaki schavaŭsia ŭ domie. Paźniej byŭ znojdzieny jašče adzin napadnik, paviedamlajuć u Śledčym kamitecie.
Padazravanyja akazali aktyŭny supraciŭ pravaachoŭnikam — navat sprabavali zabrać tabielnuju zbroju adnaho ź milicyjantaŭ. Milicyjanty vymušanyja byli stralać. U vyniku dvaich napadnikaŭ zatrymali, jany atrymali ahniastrelnyja ranieńni. Adnamu ź ich 32 hady, druhomu — 29. Ciapier jany špitalizavanyja, pałata achoŭvajecca kanvojem. Im pahražaje da 15 hadoŭ za rabavańnie.
Nichto ź siamji biznesoŭca nie paciarpieŭ.
Ahułam napadnikaŭ było čaćviora, paviedamlaje milicyja Bresckaj vobłaści. Jašče dvoje źbiehli ź miesca złačynstva, ale ich taksama zatrymali.
Na miescy znajšli pompavuju strelbu i hrošy, jakija načnyja «hości» zabrali ŭ biznesmiena. Napadniki chacieli zabrać 11,5 tysiač dalaraŭ.
Nahadajem, u listapadzie nieviadomyja ŭ maskach napali na baranavickuju pradprymalnicu. Jaje i ŭnuka taksama źviazali i patrabavali hrošy, ale jana zdoleła vyklikać milicyju.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi6
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary