Saviet pry prezidencie Rasii pa raźvićci hramadzianskaj supolnaści i pravach čałavieka ŭziaŭ pad kantrol situacyju z paradzichaj ź Biełarusi, žonkaj rasijskaha vajskoŭca, jakoj admaŭlali ŭ biaspłatnaj miedycynskaj dapamozie ŭ Razanskim abłasnym pierynatalnym centry. Pra heta paviedamlaje pres-słužba Savieta.
Pavodle źviestak pravaabaroncaŭ, ciažarnaja dvojniaj žonka praparščyka rasijskaj vajskovaj častki atrymała admovu strachavoj kampanii ŭ afarmleńni polisa abaviazkovaha miedycynskaha strachavańnia, bo nie mieła dazvołu na časovaje pražyvańnie na terytoryi Rasii.
7 studzienia biełaruska pastupiła ŭ pierynatalny centr z kryvaciokam i schopkami na 34-m tydni ciažarnaści, joj miedykamientozna spynili radavuju dziejnaść i pakłali ŭ płatnuju pałatu. Praz dvoje sutak radavaja dziejnaść znoŭ pačałasia i była spynienaja miedykami. U ciapierašni čas staić pytańnie ab tym, kab pieravieści žančynu ŭ inšuju balnicu, bo ŭ pierynatalnym centry admaŭlajucca paŭnavartasna absłuhoŭvać hramadzianku Biełarusi biez AMS (polisa abaviazkovaha miedycynskaha strachavańnia).
U Saviecie adznačyli, što pa zakonie RF «Ab statusie vajskoŭcaŭ» členy siemjaŭ vajennasłužačych majuć prava na miedycynskuju dapamohu ŭ miedycynskich arhanizacyjach dziaržaŭnaj abo municypalnaj sistem achovy zdaroŭja i padlahajuć abaviazkovamu miedycynskamu strachavańniu na ahulnych padstavach ź inšymi hramadzianami.
Akramia taho, radavaja dziejnaść, jakaja pačałasia raniej za termin, dla žančyny ciažarnaj dvojniaj z uskładnieńniami źjaŭlajecca žyćciopahražalnym stanam, a značyć, rody ŭ jaje pavinny prymać biaspłatna niezaležna ad adsutnaści hramadzianstva i polisa.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio11
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary