U Hrodnie asudzili žančynu, jakaja raźmiaściła na svajoj staroncy ŭ sacsietcy videaroliki sa scenami hvałtu i ździekaŭ u dačynieńni da vychadcaŭ z Kaŭkazu, a taksama prapahandaj idej fašyzmu, piša «Pierśpiektiva».
Jak raspavioŭ namieśnik prakurora Hrodna Dźmitryj Antonavič, pa videarolikach była praviedziena psichołaha-linhvistyčnaja ekśpiertyza. Pavodle vynikaŭ jakoj ustanoŭlena, što jany źmiaščajuć prykmiety ŭzbudžeńnia rasavaj, nacyjanalnaj, relihijnaj varožaści, prapahandy hvałtoŭnych dziejańniaŭ u adnosinach da asob niesłavianskich nacyjanalnaściaŭ.
Heta pasłužyła padstavaj dla praviadzieńnia pravierki, a ŭ dalejšym i ŭzbudžeńnia kryminalnaj spravy. Sprava była zaviedzienaja pa č.1 art. 130 KK (naŭmysnyja dziejańni, nakiravanyja na ŭzbudžeńnie rasavaj, nacyjanalnaj, relihijnaj varožaści).
Pierahledzieła žyćciovyja pohlady
Ustanoŭlena, što hramadzianka doŭhi čas zachaplałasia idejami neafašyzmu, pra što, nie chavajučy, paviedamlała ŭ sacyjalnaj sietcy. Padčas papiaredniaha rasśledavańnia i sudovaha śledstva jana svaju vinu pryznała ŭ poŭnym abjomie i čystasardečna raskajałasia. Jana patłumačyła, što pierahledzieła svaje žyćciovyja pohlady, u dadzieny momant zajmajecca vychavańniem małaletniaha dziciaci i asudžaje idei fašyzmu.
Sud Leninskaha rajona Hrodna pryznaŭ žančynu vinavataj. Joj pryznačana pakarańnie ŭ vyhladzie abmiežavańnia voli biez nakiravańnia ŭ vypraŭlenčuju ŭstanovu adkrytaha typu terminam na 3 hady 6 miesiacaŭ. Prysud ustupiŭ u zakonnuju siłu.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski28
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary