Minski taksist prysudžany da troch hadoŭ pazbaŭleńnia voli z kanfiskacyjaj majomaści za padvoz nielehałaŭ da miažy, paviedamlaje BiełTA sa spasyłkaj na Dziaržpahrankamitet. Sud Aršanskaha rajona i Oršy pryznaŭ 47-hadovaha žychara Minska vinavatym u sadziejničańni niezakonnamu vyjezdu ź Biełarusi dvuch vychadcaŭ z azijackaha rehijonu.
«Za arhanizacyju niezakonnaj mihracyi mužčynu pryznačana pakarańnie — try hady pazbaŭleńnia voli z kanfiskacyjaj majomaści», — prainfarmavali ŭ DPK. Taksist papiarednie damoviŭsia z adnym z byłych pasažyraŭ — arhanizataram kanała nielehalnaj mihracyi — pra toje, kab akazvać pasłuhi pa pieravozcy zamiežnikaŭ za ŭznaharodžańnie.
«Tak, u sakaviku 2017 hady minčuk ŭziaŭsia za pieravozku dvuch hramadzian Pakistanu ź Minska da Maskvy. Ubačyŭšy, što ŭ ich pašpartach adsutničajuć rasijskija vizy, jon pahadziŭsia davieźci ich u Dubrovienski rajon — da miažy z Rasijaj. Pasažyry pieradali za akazanyja pasłuhi $1 tys., častku ź jakich taksist pa zmovie adpraviŭ bankaŭskim pieravodam arhanizataru va Ukrainu», — raspaviali ŭ DPK.
U chodzie śledstva vyśvietliłasia, što zamiežnyja hramadzianie prybyli ŭ Biełaruś na zakonnych padstavach, atrymaŭšy zaprašeńnie na vučobu ad Hrodzienskaha dziaržaŭnaha ahrarnaha univiersiteta ŭ 2016 hodzie. Ale asnoŭny ich metaj, jak akazałasia, była Niamieččyna, kudy vychadcy z Paŭdniovaj Azii źbiralisia nakiravacca niezakonna. Svaju vinu minčanin pryznaŭ całkam.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary