Astana moža stać novaj placoŭkaj dla pieramovaŭ pa Danbasie, zajaviŭ stały pradstaŭnik Kazachstana ŭ AAN Kajrat Umaraŭ.
Pavodle jaho słoŭ, pytańnie ab pieranosie placoŭki zakranałasia na sustrečy prezidenta Kazachstana Nursułtana Nazarbajeva i prezidenta ZŠA Donalda Trampa, bo minski praces spyniŭsia. «Mahčyma, treba pačać nanova, heta možna zrabić u Astanie abo ŭ lubym inšym miescy, jakoje budzie kamfortnym dla ŭdzielnikaŭ», — skazaŭ Umaraŭ.
Jon dadaŭ, što heta treba, kab «vyjści z tupika». Umaraŭ adznačyŭ, što pytańnie pieranosu pieramovaŭ u Astanu zaležyć ad zhody ŭdzielnikaŭ.
Raniej, 19 studzienia, stała viadoma, što Donald Tramp prapanavaŭ Nursułtanu Nazarbajevu, jaki znachodziŭsia ź vizitam u ZŠA, pieranieści pieramovy ź Minska. Nazarbajeŭ śćviardžaŭ, što pieršapačatkova pieramovy pavinny byli pravodzicca ŭ Kazachstanie.
Kamientujučy paviedamleńnie ab źmienie minskaj placoŭki, kiraŭnik biełaruskaha MZS Uładzimir Makiej adznačyŭ, što pieramovy «možna pieranieści choć u Antarktydu, kali budzie ŭpeŭnienaść u ich pośpiechu».
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak11
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary