Bok abvinavačvańnia prosić u suda dla aŭtaraŭ «Riehnuma» 5 hadoŭ pazbaŭleńnia voli z adterminoŭkaj pakarańnia na 3 hady. Pra heta ŭ Minskim haradskim sudzie padčas sprečak bakoŭ zajaviŭ dziaržabvinavaŭca Alaksandr Karol, pieradaje TUT.BY.
Dziaržabvinavaŭca zajaviŭ, što abvinavačanyja pryznalisia, što pisali artykuły, jakija, jak vyznačyli ekśpierty, mahli stać pryčynaj raspalvańnia nacyjanalnaj varožaści abo roźni.
— Artykuł 130 KK, pa jakim sudziać abvinavačanych, adniesieny da artykułaŭ złačynstvaŭ suprać čałaviectva. Składana niedaaceńvać usiu surjoznaść pradjaŭlenych abvinavačvańniaŭ, jakija pryvodziać tolki da adnaho pakarańnia — pazbaŭleńnia voli ad 5 da 12 hadoŭ, — skazaŭ dziaržabvinavaŭca Alaksandr Karol.
Jon taksama dadaŭ, što padčas śledstva zakanadaŭstva było vykanana, parušeńniaŭ dapuščana nie było.
— Možna zrabić vysnovu pra zachavańnie zakanadaŭstva padčas rasśledavańnia kryminalnaj spravy. Parušeńniaŭ zakanadaŭstva nie dapuščana. Ekśpiertami vyznačanaja sukupnaść linhvistyčnych i psichałahičnych prykmiet raspalvańnia nacyjanalnaj varožaści abo roźni, — skazaŭ Karol. — Ździajśnieńnie złačynstva hrupaj asob ustalavana ŭzhodnienaściu dziejańniaŭ abvinavačanych ź niavyznačanymi asobami.
U dačynieńni da Šyptenki i Paŭłaŭca abvinavačvańni ŭ niezakonnaj pradprymalnickaj dziejnaści, jakuju im stavili ŭ vinu, dziaržabvinavaŭca prapanavaŭ źniać.
Z nahody č.3 artykuła 130, dziaržabvinavaŭca zajaviŭ, što kampietentnaść ekśpiertaŭ, jakija rabili ekśpiertyzu, sumnievaŭ nie vyklikaje, vina abvinavačanych całkam dakazana, i zaklikaŭ sud da 5 hadoŭ pazbaŭleńnia voli z adterminoŭkaj pakarańnia na 3 hady dla publicystaŭ.
— Abvinavačanyja stanoŭča acharaktaryzavany z usich bakoŭ, sudzimaściaŭ niama. Na ŭlikach nie znachodziacca, — zajaviŭ Alaksandr Karol.
«Pakarańnie z adterminoŭkaj» bolš lohkaje za ŭmoŭny termin. Kali za nastupnyja piać hadoŭ aŭtary «Rehnuma» nie ździejśniać złačynstvaŭ, sudzimaść aŭtamatyčna pahasicca.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Kamientary