Zatrymanamu va Ukrainie biełarusu vynieśli abvinavaŭčaje zaklučeńnie, jamu pahražaje 10—15 hadoŭ turmy
Zatrymanamu va Ukrainie za špijanaž biełarusu vynieśli abvinavaŭčaje zaklučeńnie i praciahnuli termin utrymańnia pad vartaj. Pra heta TUT.BY raspaviali ŭ pasolstvie Biełarusi va Ukrainie.
Biełarusu inkryminujuć č.1 art. 114 KK Ukrainy «Špijanaž. Pieradača abo źbirańnie z metaj pieradačy zamiežnaj dziaržavie, zamiežnaj arhanizacyi ci ich pradstaŭnikam źviestak, jakija jość dziaržaŭnaj tajamnicaj, kali hetyja dziejańni ździejśnienyja zamiežnikam abo asobaj biez hramadzianstva». Kali vina biełarusa budzie dakazanaja, jaho mohuć pasadzić na 10—15 hadoŭ. Taksama pa artykule praduhledžana mahčymaść kanfiskacyi majomaści.
Zaraz abvinavačvany znachodzicca ŭ SIZA Čarnihava. Termin utrymańnia pad vartaj jamu praciahnuli amal da kanca lutaha. Ciapier sprava budzie nakiravana prakuroru, jaki paśla pravierki moža nakiravać abvinavaŭčy akt u sud.
Za što zatrymali biełarusa?
Hramadzianina Biełarusi zatrymali ŭ červieni 2017 hoda va Ukrainie pa padazreńni ŭ špijanažy. Z červienia jaho trymajuć u čarnihaŭskim SIZA. Sam zatrymany svaju datyčnaść da špijonskaj dziejnaści admaŭlaje i zapeŭnivaje, što ŭsie pakazańni davaŭ pad katavańniami, nikoli nie pracavaŭ na biełaruski KDB, nie źbiraŭ sakretnyja źviestki dla Rasii.
Hienieralnaja prakuratura Biełarusi ličyć, što kryminalnaja sprava suprać biełarusa, zatrymanaha za špijanaž na Ukrainie, maje palityčny padtekst, i ŭ viedamstva «jość abhruntavanyja sumnievy ŭ najaŭnaści špijanažu». Naprykład, jak raspaviała Hienprakuratura, ukrainski bok paviedamlaŭ, što zatrymany, dziejničajučy ŭ intaresach treciaha boku, źbiraŭ na terytoryi Ukrainy źviestki ab chodzie praviadzieńnia antyterarystyčnaj apieracyi na ŭschodzie Ukrainy, jakija źjaŭlajucca dziaržaŭnaj tajamnicaj u śfiery abaranazdolnaści Ukrainy. Atrymanuju infarmacyju jon zašyfravaŭ i zachoŭvaŭ na karcie pamiaci svajho mabilnaha telefona. Ale biełaruskimi śledčymi była atrymana dadatkovaja infarmacyja, zhodna ź jakoj fajł z dadzienymi byŭ zahružany ŭ telefon nie samim zatrymanym, a jaho ŭkrainskim tavaryšam, jaki dziejničaŭ pad kantrolem Słužby biaśpieki Ukrainy.
Biełaruskaja Hienprakuratura taksama ličyć, što niedaskanałaje rasśledavańnie spravy «stavić pad sumnieŭ biesstaronnaść ŭkrainskaj Fiemidy i adsutnaść palityčnaha padtekstu ŭ dadzienaj spravie».
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary