«U ludziej znosić mazhi». Patryjarch Kirył vykazaŭsia pra kryptavalutny bum
Vystupajučy ŭ rasijskim Saviecie Fiederacyi, patryjarch Kirył zaklikaŭ dziaržavu «abaraniać čałavieka ad praźmiernych ryzyk i navat pramoha padmanu» u suviazi z bumam kryptavalut — źjavaj, ad jakoj «ŭžo mnohija paciarpieli».
«U ludziej, jak kažuć, znosić dach. I kožny kaža: što ž ja rablu, što ž ja siadžu — treba ž dziejničać, treba kuplać hetyja bitkojny. I kuplajuć ža, zakładvajučy majomaść, pradajučy svaje chaty. A potym raptam bitkojn za dva tydni abvalvajecca, i ludzi razumiejuć, što jany ničoha nie vyjhrali, a prajhrali — stracili ŭsio, što mieli», — zajaviŭ ruski patryjarch.
Nahadajem, u 2017 hodzie kurs bitkojna vyras u niekalki razoŭ — z dvuch z pałovaj da amal 20 tysiač dalaraŭ. Značna vyras kurs i inšych kryptavalut, źjaviłasia šmat novych. Paśla piku ŭ siaredzinie śniežnia kurs bitkojna staŭ padać, i zaraz trymajecca na ŭzroŭni 11-12 tysiač dalaraŭ.
Kamientary