Kamanda prezidenta Biełarusi pieramahła vieteranaŭ chakieja Šviejcaryi ź likam 11:4 (4:1, 3:2, 4:1) u matčy, jaki prajšoŭ na lodzie «Čyžoŭka-Areny», piša Biełta.
Padčas hulni na lodzie časta adnačasova akazvalisia Alaksandr i Kola Łukašenki. Jany dapamahli biełaruskaj kamandzie ŭ siaredzinie pieršaha pieryjadu realizavać bolšaść. Ź ich pieradačy šajbu zakinuŭ Pavieł Bieły.
Da pierapynku chakiejnaja kamanda prezidenta Biełarusi jašče trojčy adznačyłasia dakładnymi kidkami. Aŭtarami hałoŭ stali Alaksiej Citaviec i Hienadź Saviłaŭ. Padčas čaćviortaha ŭziaćcia varot šviejcarcaŭ Andreju Astaševiču, jaki ŭdała dziejničaŭ na piatačku kala bramy apanientaŭ, znoŭ asiściravali Kola i Alaksandr Łukašenka.
Šviejcarcy, jakimi kiravaŭ słavuty saviecki chakieist, dvuchrazovy alimpijski čempijon Alaksandr Jakušaŭ, pastaralisia dapuskać mienš pamyłak u abaronie i krychu skaracili adstavańnie ŭ liku. Adnak u zaklučnyja 20 chvilin hulni biełaruskaja kamanda jašče čatyry razy zasmuciła supiernikaŭ. Aŭtaram adnoj z šajbaŭ staŭ Mikałaj Łukašenka. Treciuju dziejsnuju pieradaču ŭ matčy zapisaŭ u svoj aktyŭ Alaksandr Łukašenka. U vyniku biełarusy pieramahli ź likam 11:4.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary