Davieranaja asoba kandydata ŭ deputaty Alesia Michaleviča Andrej Klikunoŭ vyjaviŭ šerah surjoznych parušeńniaŭ vybarčaha zakanadaŭstva na ŭčastku № 632.
Davieranaja asoba kandydata ŭ deputaty Alesia Michaleviča Andrej Klikunoŭ vyjaviŭ šerah surjoznych parušeńniaŭ vybarčaha zakanadaŭstva na ŭčastku № 632.
Siabra BAŽu Andrej Klikunoŭ na apošnich vybarach u parlament byŭ davieranaj asobaj kandydata ŭ deputaty Alesia Michaleviča, što balatavaŭsia pa Ŭručanskaj vybarčaj akruzie № 109. U niadzielu pa abiedzie Andrej pryjšoŭ prahałasavać na ŭčastak № 632. Užo ŭ kabinie dla hałasavańnia zaŭvažyŭ, što biuleteń nie padpisany nivodnym z čalcoŭ učastkovaj vybarčaj kamisii. A heta jość parušeńniem zakanadaŭstva. Čalec kamisii, jaki vydavaŭ A. Klikunovu biuleteń pa jahonym adrasie, zajaviŭ, što heta «vypadkovaść». Adnak vydać padpisany dakument, jak adznačajecca ŭ skarzie Klikunova, nia zmoh — u jaho takich paprostu nie apynułasia. Padpisany biuleteń adšukali tolki ŭ susiednich čalcoŭ kamisii. Namieśnica staršyni kamisii taksama nazvała incydent «vypadkovaściu» i praviała davieranuju asobu Michaleviča paŭz čalcoŭ kamisii. Jakija prademanstravali, jak śćviardžaje Andrej, našmat tančejšyja, čym byli dahetul stosy biuleteniaŭ, aformlenych pry hetym naležnym čynam.
Novyja «vypadkovaści» pačali źjaŭlacca ŭ časie padliku hałasoŭ: staršynia kamisii źviarnuŭsia da čalcoŭ kamisii z prośbaj addać jamu ŭsie biuleteni dla hałasavańnia, na jakich staić adzin podpis čalcoŭ vybarčaj kamisii (takija biuleteni taksama niesapraŭdnyja, jak i niepadpisanyja). Najaŭnaść takich biuleteniaŭ usłych paćvierdzili niekatoryja čalcy kamisii. Staršynia kamisii patłumačyŭ hety fakt nastupnym čynam: podpisy staviacca na krai biuletenia, i tamu na niekatorych jon prosta «nie zaŭvažyŭ», što nie pastaviŭ svoj podpis.
Pavodle vyjaŭlenych faktaŭ parušeńnia vybarčaha zakanadaŭstva Andrej Klikunoŭ nakiravaŭ skarhu ŭ Centarvybarkam. Jon prosić inicyjavać praviadzieńnie pierapadliku biuleteniaŭ na ŭčastku № 632 z metaj vyjaŭleńnia niepadpisanych biuleteniaŭ i biuleteniaŭ z adnym podpisam, dać pravavuju acenku dziejańniam čalcoŭ vybarčaj kamisii na dadzienym učastku dy inicyjavać pryciahnieńnie da adkaznaści asobaŭ, vinavatych u parušeńni zakanadaŭstva.
Kamientary