Niekalki hadzin tamu kanadziec Mark Makmorys zavajavaŭ bronzu Hulniaŭ-2018 u słoŭpstajle.
U sakaviku 2017-ha paśla padzieńnia na adnym z turniraŭ Makmorys złamaŭ skivicu, levuju ruku, niekalki rebraŭ i taz, razarvaŭ kasu i paškodziŭ levaje lohkaje. Praź dźvie hadziny ŭ balnicy Vankuviera jaho vyciahnuli z taho śvietu.
«Ja byŭ tam, i, biezumoŭna, heta była samaja paničnaja atmaśfiera, jakuju ja kali-niebudź adčuvaŭ. Tolki ŭ balnicy da mianie dajšło, nakolki ŭsio surjozna. Na ščaście, jon adnaŭlajecca, jak Rasamacha», — uspaminaŭ brat Makmorysa Krejh.
Nastupny miesiac Mark pravioŭ u łožku, šeść tydniaŭ jaho trymali na vadkaj dyjecie.
«Jamu było niazručna siadzieć, niazručna stajać, niazručna spać. Jon nie moh samastojna pajeści, ruki prosta nie fiksavalisia la rota — nastolki ŭsio było źniaviečana», — raspaviadaŭ fizijaterapieŭt i siabar siamji Demjen Maroni.
Užo praz 8 miesiacaŭ paśla padzieńnia Mark vyjhraŭ etap Kubka śvietu ŭ Kitai.
«Toje, što zrabiŭ moj arhanizm, — sapraŭdnaje varjactva. Ja rychtavaŭsia da śmierci. Paśla taho vypadku nivodny dzień na hetaj ziamli ja nie prymu jak naležnaje», — pryznaŭsia Makmorys.
Siońnia Makmorys vyjhraŭ druhuju alimpijskuju bronzu zapar. Za paru tydniaŭ da Hulniaŭ 2014 hoda jon złamaŭ rabro na spabornictvach, ale ŭsio ž staŭ trecim u Sočy.
Sočym za Alimpijadaj razam z Bukmiekierskaj kantoraj Marafon.
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary