«Bulbaš» na svajoj staroncy ŭ fejsbuku ŭšanavaŭ pamiać Franciška Kušala

Na staroncy ŭ fejsbuku kampanii «Bulbaš» 16 lutaha źjaviŭsia dopis, jaki vyklikaŭ burnyja sprečki i dyskusii. Havorka viadziecca pra zapis ab kiraŭniku Biełaruskaj krajovaj abarony (BKA) Francišku Kušalu.

Pavialičyć

«Usio žyćcio jon imknuŭsia stvaryć mocnaje nacyjanalnaje vojska jak hałoŭnuju harantyju niezaležnaści Biełarusi. Siońnia my ŭzhadvajem imia Francišaka Kušala. Jon — znakamity palityčny dziejač, stvaralnik biełaruskaj krajovaj abarony, a taksama publicyst, aŭtar uspaminaŭ pra dziejačaŭ biełaruskaj kultury i siabra BNR u vyhnańni. Prajšoŭ dźvie vajny i zastaŭsia hodnym čałaviekam».

Adny cisnuć padabajki i reśpiektujuć «Bulbašu», inšyja kažuć, što nielha ŭšanoŭvać pamiać ludziej, jakija zaplamili siabie supracoŭnictvam z nacystami. Jak by toje ni było, ale hety dopis zastajecca druhim pa papularnaści sioleta na staroncy «Bulbaša», napieradzie tolki post ab pieramozie Hanny Huśkovaj na Alimpijadzie.

Francišak Kušal — cikavy piersanaž biełaruskaj historyi. Prafiesijny vajskoviec, jaki pasłužyŭ u armijach Rasijskaj Impieryi i Polščy. Z 1941 supracoŭničaŭ ź niamieckaj administracyjaj na terytoryi Biełarusi, z dapamohaj jakoj spadziavaŭsia stvaryć biełaruskija vajennyja farmavańni. Biełaruskaja krajovaja abarona, jakuju ŭznačalvaŭ Kušal, faktyčna tak i nie atrymała zbroi ad niemcaŭ. Niepasrednym udziełam u karnych apieracyjach Francišak Kušal siabie nie zaplamiŭ, paśla vajny žyŭ u ZŠA, dzie pamior u 1969 hodzie.

Žonkaj Franciška Kušala była słavutaja paetka Natalla Arsieńnieva, aŭtarka relihijnaha himna «Mahutny Boža». Syn Kušala i Arsieńnievaj Jarasłaŭ byŭ zabity savieckimi partyzanami padčas teatralnaha pakazu.

Cikava, što aburajucca asobaj Kušala ludzi, jakija sami byli zaŭvažanyja ŭ prychilnaści da nieanacyzmu, jak, naprykład, kiraŭnik «Rumoła» Siarhiej Łušč. Jon zusim niadaŭna pazicyjanavaŭ siabie jak «vołchv» nieanacysckaj pahanskaj siekty «Schoron Jež Słavien».

Ciapier Łušč piša: «Heta voś takija «nacyjanalnyja» asablivaści niekatorych pradstaŭnikoŭ biełaruskaha biznesu. To kartu BNR na piva, to zaraz adkrytaha pamahataha fašystaŭ Franca Kušala nazyvajuć hodnym čałaviekam. Paradoks u tym, što bolšaść hetych kampanij svabodna pracujuć na prastorach sajuznaj dziaržavy, pry hetym padviarhajuć sumnievu terytaryjalnuju cełasnaść sajuźnikaŭ, to papularyzujuć palicajaŭ i nie niasuć za heta nijaki adkaznaści».

Padharaje i ŭ prarasijskaha publicysta Alaksieja Dziermana. «Bulbaš» pijaryć palicajaŭ. BNR, prysłužvańnie niemcam, amierykancam, usie spravy — heta ŭ ich «hodny čałaviek». A jašče kažuć: va ŭładalnika meblevy biznes u Smalenskaj vobłaści», — piša Dzierman.

Staršynia arhanizacyi «Biełarusy Kryma» Raman Čarhiniec zadajecca pytańniem: «A artykuł za hieraizacyju nacyzmu chiba admianili?» Na heta jamu adkazvajuć, što takoha artykuła nikoli nie było: ni ŭ kryminalnym, ni ŭ administracyjnym kodeksie. «Značyć, treba inicyjavać uviadzieńnie!» — napisaŭ Čarhiniec.

Mnohija ž naadvarot pišuć «dziakuj» «Bulbašu». «Hodny čałaviek, pryjemna, što pamiatajecie», — adznačyŭ piśmieńnik i žurnalist Aleś Kirkievič.

«Darečy, jość uspaminy ludziej, jakich jon ratavaŭ ad niemcaŭ», — adznačaje historyk Alaksandr Hiełahajeŭ.

Atrymać kamientar ad zavoda «Bulbaš», čamu jany źviarnulisia da asoby Franciška Kušala, pakul nie ŭdałosia.

Adznačym, što «Bulbaš» viadzie svaju staronku ŭ fejsbuku amal zaŭsiody pa-biełarusku. Šmat pišuć pra nacyjanalnyja admietnaści biełarusaŭ, nacyjanalnych hierojaŭ, takich jak Kalinoŭski, biełaruskija stravy.

Zavod «Bulbaš» śpiecyjalizujecca na vyrabie harełki i inšych ałkaholnych napojaŭ.

***

Pa stanie na 22:00 21 lutaha dopis byŭ vydaleny z supołki «Bulbaša».

• 0
• 0
• 0
• 0
• 0
• 0
• 0
• 0