14 supracoŭnikaŭ školnych stałovych ŭ Hrodzienskaj vobłaści padazrajuć u tym, što jany vynosili pradukty. Vypadki vyjavili ŭ hetym hodzie. Da kradziažoŭ mohuć być datyčnyja kuchar, hruzčyk i pasudamyjka, paviedamlaje «Pierśpiektyva».
Raźbiralnictvy pravodziacca ŭ školnych stałovych Hrodna i Lidy.
Jak raspavioŭ staršynia KDK Hrodzienskaj vobłaści Anatol Darožka, sa škoł vykradali miasa, hrušy, sok. Adna kucharka vyniesła z stałovaj 12 kiłahram miasa.
Pravierki pačalisia z taho, što ŭ minułym hodzie supracoŭniki KDK vyjavili šmat parušeńniaŭ u školnych kropkach charčavańnia. Pa słovach namieśnika staršyni KDK Hrodzienskaj vobłaści Natalli Kryvickaj, było ŭstanoŭlena, što ŭ porcyi nie dakładvali pradukty, u chaładzilnikach zachoŭvalisia praterminavanyja. U vaŭkavyskaj škole, naprykład, pracaŭnica kuchni sutyknułasia z supracoŭnikam KDK, kali vynosiła pakiet z vykradzienym faršam, padzielenym na try porcyi, i kapustaj. Upakoŭka śviedčyła ab tym, što žančyna źbirałasia padzialicca praduktami z kalehami.
Akramia hetaha, staršynia KDK Hrodzienskaj vobłaści adznačyŭ, što treba vyrašyć pytańnie z zakupkami praduktaŭ dla škoł. Časta ich nabyvajuć praz pasrednikaŭ, što pavialičvaje košt dziciačaha charčavańnia. Zakupki časam pravodziać u niesiezonny čas, što taksama adbivajecca na košcie. Bulbu, pavodle jaho słoŭ, kuplajuć nie ŭ vieraśni, a ŭ lutym. Mandaryny zakazvajuć u lipieni, choć jany tańniej u listapadzie.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m38
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary