Novy hałoŭny redaktar «Sovietskoj Biełorusii» Dźmitryj Žuk patłumačyŭ svajo staŭleńnie da prymusovaj padpiski. U efiry «Kłuba redaktaraŭ» na «Biełaruś-1» jon adkazaŭ na adkryty list piśmieńnicy Jaŭhienii Pastarnak, apublikavany na sajcie «Našaj Nivy».
«Pavažanaja Jaŭhienija Barysaŭna. Pa-pieršaje, nie treba na noč pałochać ludziej. Ja nie viedaju nivodnaha nastaŭnika, zvolnienaha za padpisku — admovu albo nie admovu. Pa-druhoje.
Jak žurnalist, čałaviek i hramadzianin kateharyčna pierakanany, što ludziam, naniatym na pracu dziaržavaj, karysna čytać dziaržaŭnuju presu.
Tym bolš nastaŭnikam — tym, chto pavinien čytać šmat i roznaha. Jak karystacca, kožny dla siabie vyrašyć.
A toje, što dziaržava prasoŭvaje mienavita svaje vydańni, što ž tut dziŭnaha. Heta, pa-mojmu, narmalna.
I jašče, mnie prosta dziŭna: za apošnija paŭtara hoda na staronkach «Sovietskoj Biełorusii» vyjšli paradku 10 publikacyj, jakija raskazvali pra vašy knihi, pra vašu pazicyju pa roznych pytańniach. Što ŭ hetym drennaha, kali heta pračytajuć nastaŭniki?»
«Pčoły suprać miodu!» — zaśmiajaŭsia były staršynia Biełteleradyjokampanii Hienadź Davydźka.
Były redaktar «Sovietskoj Biełorusii» Pavieł Jakubovič padtrymaŭ Žuka:
«Heta standartnaje i davoli prymityŭnaje abvinavačvańnie pra toje, što nastaŭnikam naviazvajuć. Nastaŭnikam vydzialajucca srodki dla padpiski na presu.
I paviercie, kali nastaŭnik vypiša «Sovietskuju Biełoruśsiju», to heta jaho pieravaha. Jon moža vypisać, naprykład, «Nastaŭnickuju hazietu», a nie vypisać «Sovietskuju Biełoruśsiju». Tamu nastaŭnik robić vysnovu, što jamu cikaviej. Ale na jaho biedny zarobak dziaržava ni ŭ jakim razie nie pretenduje».
Pavodle aficyjnaj infarmacyi, štodzionny nakład «Sovietskoj Biełoruśsii» pieravyšaje 400 tysiač asobnikaŭ.
Kamientary