Biełaruś zastajecca adzinaj krainaj Jeŭropy, dzie chryścijanskija demakraty nie zarehistravanyja
Chryścijanskija demakraty sprabujuć zarehistravacca ŭžo 20-y raz.
Kiraŭnictva Arhkamiteta pa stvareńni Partyi Biełaruskaja chryścijanskaja demakratyja (BCHD) atrymała adkaz ź Ministerstva justycyi za podpisam namieśnika ministra I.Tušynskaha na svaju zajavu ab rehistracyi BCHD, padadzienuju 22 studzienia 2018 hoda.
U adkazie paviedamlajecca: u suviazi z tym, što Miniustu patrebnyja dadatkovyja dakumienty dla pryniaćcia rašeńnia, Ministerstva «prypyniaje dziaržaŭnuju rehistracyju BCHD na 1 miesiac».
Pradstaŭniki Biełaruskaj chryścijanskaj demakratyi ličać takija dziejańni niezakonnymi. «Miniust abaviazany vynosić svajo rašeńnie, zhodna zakonu, na praciahu miesiaca paśla padačy dakumientaŭ ab rehistracyi palityčnaj partyi — a značyć, zaraz. Nijakich zakonnych pryčynaŭ, kab adkładvać abo «prypyniać» rehistracyju BCHD niama», — ličać jany.
Biełaruskija chryścijanskija demakraty padavali dakumienty na rehistracyju partyi BCHD užo siomy raz, ahulnaja kolkaść sprobaŭ zarehistravać hramadskija, abłasnyja, maładziovyja chryścijanska-demakratyčnyja abjadnańni pieravyšaje dvaccać. Biełaruś zastajecca adzinaj krainaj Jeŭropy, dzie chryścijanskija demakraty nie majuć rehistracyi.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Kamientary