Kampanija «Transnafta» razhladaje mahčymaść budaŭnictva naftapraduktapravodu da porta Uść-Łuha dla transparciroŭki dyzielnaha paliva ź biełaruskich NPZ, paviedamlaje ahienctva RNS.
«My abmiarkoŭvajem z «Transnaftaj» mahčymaść prychodu da nas dyzielnaj truby — hipatetyčna takaja mahčymaść jość», — adznačyŭ hiendyrektar kampanii «Uść-Łuha Ojł» Kanstancin Chamłaj.
Pavodle jaho słoŭ, va Uść-Łuzie jość mahutnaści dla dadatkovaj pieravałki 6-7 młn ton naftapraduktaŭ.
U toj ža čas vice-prezident «Transnafty» Siarhiej Andronaŭ rastłumačyŭ, što patencyjny abjom pieravałki biełaruskaha dyzpaliva pakul nie dazvalaje ekanamična abhruntavać prajekt.
«My hladzieli mahčymyja abjomy, na ŭzroŭni 3,5-4 młn ton — heta nie dazvalaje ekanamična abhruntavać hety prajekt», — adznačyŭ Andronaŭ, dadaŭšy, što hetyja abjomy bolš efiektyŭna pastaŭlać pa čyhuncy.
U ciapierašni čas biełaruskija NPZ pierapraŭlajuć naftapradukty ŭ asnoŭnym praz party krain Bałtyi, adnak rasijskaje kiraŭnictva imkniecca pierakanać Biełaruś karystacca rasijskimi partami.
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary