Ministr unutranych spraŭ Ihar Šunievič nie vyklučaje dekryminalizacyi złačynstvaŭ pa samych lohkich častkach «narkatyčnaha» 328 artykuła Kryminalnaha kodeksa. Pra heta jon zajaviŭ, adkazvajučy na pytańnie Jeŭraradyjo.
«Treba razhladać kompleksna: z adnaho boku, narkapahroza, a ź inšaha - pahroza dla našaj krainy. My ž razumiejem, što ŭsio heta našy ludzi. I prosta adnaboka padychodzić da razhladu hetaj prablemy my nie majem prava. Bo jość roznyja mierkavańni, i my pavinny hetyja mierkavańni ŭličvać u svajoj pracy. Tamu, zakanadaŭca, chutčej za ŭsio, niejkija karektyvy ŭ adpaviedny artykuł uniasie», — skazaŭ Šunievič.
Pa słovach ministra, kali dekryminalizacyja narkatyčnaha artykuła adbudziecca, to ŭ dačynieńni da «tych, chto patrapiŭ pad sankcyi papiaredniaha zakona, budzie prymienieny bolš miakki zakon i, mahčyma, heta zakranie i terminy znachodžańnia ŭ miescach pazbaŭleńnia voli, i inšyja vidy pakarańnia».
Kali hetaja dekryminalizacyja mahčymaja, ministr asabliva padkreśliŭ, što MUS «vykonvaje zakon, a nie piša jaho».
Siońnia artykuł 328 Kryminalnaha kodeksa «Niezakonny abarot narkatyčnych rečyvaŭ» praduhledžvaje ad 2 da 25 hadoŭ u zaležnaści ad ciažkaści ździejśnienaha złačynstva. Pra toje, što ciapier u Biełarusi abmiarkoŭvajecca mahčymaść dekryminalizacyi złačynstvaŭ pa samych lohkich častkach artykuła 328, žurnalistam raspavioŭ namieśnik načalnika hałoŭnaha ŭpraŭleńnia pa narkakantroli i supraćdziejańni handlu ludźmi kryminalnaj milicyi MUS Andrej Saładoŭnikaŭ. Choć i zaŭvažyŭ, što «što zakanadaŭstva ŭ dačynieńni da narkotykaŭ daskanałaje na siońniašni dzień».
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty23
Kamientary