Akazvajecca, aktyvista «Moładzi BNF» aštrafavali nie za ŭlotki, a za fota z haradavym
Sud Maskoŭskaha rajona Minska razhledzieŭ administratyŭnuju spravu aktyvista «Moładzi BNF» Arcioma Kasavarava, na jakoha skłali pratakoł nibyta za parušeńnie zakanadaŭstva ab masavych mierapryjemstvach, paviedamlaje «Biełsat». Aktyvist prysudžany na štrafu.
Kasavarava dniom dastavili ŭ sud Maskoŭskaha rajona Minska, adnak praź niekalki hadzinaŭ čakańnia jaho znoŭ pavieźli ŭ RUUS, kab dapracavać pratakoł. Jašče praz hadzinu chłopca pryvieźli ŭ sud, pačałosia pasiedžańnie.
Pavodle Kasavarava, učora aktyvisty «Moładzi BNF» išli pa vulicach Minska i razdavali ŭlotki z zaprašeńniem na dazvoleny ŭładami mitynh-kancert 25 sakavika la Opiernaha teatru. Prachodziačy pa vulicy Haradski vał, dvoje ź ich — Arciom Kasavaraŭ i Arsienij Dziadok — vyrašyli sfatahrafavacca z ulotkami la skulptury minskaha haradavoha. U hety momant da maładych ludziej padbiehli 8 supracoŭnikaŭ milicyi i zatrymali ich. Patrabavali vydalić fota z pomnikam.
Arsienija Dziadka milicyjanty adpuścili, bo jon niapoŭnahadovy, a na Kasavarava skłali pratakoł pavodle art. 23.34 KaAP — parušeńnie zakanadaŭstva ab masavych mierapryjemstvach. Adnak na słovach milicyjantaŭ, skazali aktyvisty, jaho zatrymali za fota z haradavym. «U RUUS milicyjanty pytalisia kolki hrošaj mnie zapłacili za razdaču ŭlotak», — raspavioŭ jon.
Noč chłopiec pravioŭ u izalatary na Akreścina.
Sudździa śćviardžaje, što Kasavaraŭ pravodziŭ niezakonnaje pikietavańnie, trymajučy płakat farmata A4 z zaklikam na kancert 25 sakavika. Svajoj viny aktyvist nie pryznaje.
Kasavaraŭ prysudžany da štrafu ŭ pamiery 6 bazavych vieličyń (147 rubloŭ). Aktyvist z rašeńniem sudu nie zhodny i budzie jaho abskardžvać.
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary