Heta treciaja mahiła dziejača BNR, što znachodzicca na Alšanskich mohiłkach, niepadalok ad štab-kvatery Radyjo Svaboda. U adroźnieńnie ad kolišnich prezydentaŭ Piatra Kračeŭskaha i Vasila Zacharki, miesca pachavańnia Viaršynina niekatory čas nie było viadomaje. Piša Rydyjo Svaboda.
Symbaličny pokryŭ — bieł-čyrvona-bieły ściah — z mahiły źniali staršynia Rady BNR Ivonka Surviła i inžyner Siarhiej Knyrevič, dziakujučy jakomu imia Viaršynina było viernutaje. Nadpis na došcy zroblenyja pa-česku, imia napisana biełaruskaj łacinkaj: Mikola Viaršynin, zmosněnec vlády BLR. 1866-1934 (paŭnamocny pradstaŭnik uradu BNR). Mienavita na takuju pasadu pryznačyŭ jaho premjer BNR Anton Łuckievič.
Ivonka Surviła padkreśliła, što faktyčna mienavita dziakujučy suviaziam Viaršynina ŭ Prazie, siudy ŭ 20-ja hady minułaha stahodździa pierajechała kiraŭnictva BNR. Kvatera, dzie žyli Viaršyniny, u domie pa vuł. Wenzigova 4 stała hałoŭnym asiarodkam biełaruskaha žyćcia, a sam Viaršynin jaho centralnaj fihuraj. Jon niastomna «vybivaŭ» stypendyi dla dziasiatkaŭ biełaruskich studentaŭ. Znojdzieny, naprykład, składzieny im śpis, padadzieny dla ŭchvały ŭ ministerstva zamiežnych spraŭ Čechasłavaččyny, dzie na pieršym miescy staić imia Źmitrok Surviła.
«Zabytym rycaram BNR» nazvaŭ Viaršynina inžyner Siarhiej Knyrevič i prapanavaŭ uzhadać usich jaho blizkich — českuju žonku Atyliju Hłavačavu, ich dačku Volhu, ziacia Alaksandra Kałošu — usio jany byli jamu aporaj i adnadumcami. Biełaruski daślednik i hetym razam pryjšoŭ z novym adkryćciom: jamu ŭdałosia znajści ŭ Čechii naščadka Michała i Alaksandra Vituški. Abodva braty nia tolki razam vučylisia ŭ Radaškovičach, a potym u Prazie, razam brali ŭdzieł u lehalnych i padpolnych biełaruskich arhanizacyjach. I kali ślady Michaiła Vituški viaduć u Biełaruś, jaho brat Alaksandr zakončyŭ žyćcio ŭ Čechasłavaččynie. Ciapier tut žyvie jaho syn, taksama Alaksandr Vituška.
Na mohiłkach byli prysutnyja českija naščadki Viaršyninych-Kałošaŭ. Ramana Sitava i Michaeła Svobadava zhadali lehiendy svajoj siamji i toje, jak jašče z maci, Lidzijaj, jany adviedvali radzimu dzieda, Alaksandra Kałošy — viosku Zajamnaje kala Stoŭbcaŭ. Abiedźvie ŭnučki—praŭnučki ź cikavaściu viartajucca da raniej nieviadomych momantaŭ siamiejnaj historyi, u tym liku i dziakujučy kantaktam ź Siarhiejem Knyrevičam.
Doška była adkrytaja da jubileju Biełaruskaj narodnaj respubliki dziakujučy finansavaj padtrymcy Rady BNR i namahańniam biełaruskaj aśvietnaj supołki ŭ Čechii «Skaryna».
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach6
Kamientary