Z nastupnaha hodu fizyčnyja asoby buduć płacić padachodny padatak z atrymanych ad zamiežnych jurydyčnych i fizyčnych asobaŭ kredytaŭ i pazykaŭ.
Na fonie burnaha abmierkavańnia ŭviadzieńnia płoskaj škały padachodnaha padatku zastałosia niezaŭvažanym jašče adno novaŭviadzieńnie — z nastupnaha hodu fizyčnyja asoby buduć płacić padachodny padatak z atrymanych ad zamiežnych jurydyčnych i fizyčnych asobaŭ kredytaŭ i pazykaŭ.
U adpaviednaści z punktam 6 artykułu 22 novaj redakcyi Zakonu, pry atrymańni kredytaŭ i pazykaŭ ad zamiežnych jurydyčnych albo fizyčnych asobaŭ, ułučna ź indyvidualnymi pradprymalnikami, jakija nie adnosiacca da stała pražyvajučych na terytoryi RB, z usioj atrymanaj sumy nieabchodna budzie spłacić padatak pa staŭcy 12 %.
Spłata padatku budzie adbyvacca na padstavie deklaracyi, jakuju płacielščyk musić padać pa vynikach hodu da 1 sakavika i spłacić padatak da 15 traŭnia. Viartańnie padatku — pry padačy dakumentaŭ ab pahašeńni zapazyčanaści.
U novaj redakcyi zakonu nie ŭdakładniajecca, ci treba deklaravać sumu kredytu ci pazyki, atrymanych i całkam pahašanych na praciahu adnaho padatkovaha peryjadu. Takim čynam, kali fizyčnaja asoba ŭziała kredyt na termin da adnaho hodu i na praciahu padatkovaha peryjadu jaho całkam pahasiła, zadeklaravać jaho, vierahodna, daviadziecca. Ale kali razam z deklaracyjaj budzie padadziena daviedka ab pahašeńni kredytu, lahična mierkavać, što płacić padatak nie daviadziecca.
Adznačym u zaklučeńnie, što dadzienaja norma zakonu nie adnosicca da kredytaŭ i pazykaŭ, atrymanych ad bližejšych svajakoŭ, sužencaŭ, apiekunoŭ, papiačycialaŭ, usynavicielaŭ, usynoŭlenych i inšych pryroŭnienych da blizkich katehoryjaŭ zamiežnych hramadzian.
Kamientary