Pavieł Lohki paraŭnaŭ budučuju abaviazkovuju rehistracyju na forumach z nabyćciom dyskontnych kartak u mahazinach: Nichto ž tam nie aburajecca
Namieśnik ministra infarmacyi Pavieł Lohki ŭ intervju «Narodnaj voli» raspavioŭ ab prajekcie novaha Zakona ab ŚMI. Jak paviedamlałasia raniej, praduhledžvajecca ŭvieści identyfikacyju asobaŭ, što raźmiaščajuć kamientary na forumie.
«Naprykład, heta moža być sms-identyfikacyja, praz atrymańnie paviedamleńnia z kodam. Ale mohuć być i inšyja varyjanty. Ale pakul prajekt zakona, jon jašče nie prajšoŭ navat pieršyja słuchańni ŭ parłamiencie», — miarkuje namieśnik ministra infarmacyi.
«Uładalnik resursu pavinien viedać, chto ŭ jaho na forumie i ŭ jakich vyrazach kamientuje. Havorka idzie nie pra toje, što forumie pavinny źjaŭlacca pašpartnyja źviestki. Nie. Čałaviek moža źjaŭlacca pad «nikam», ale va ŭładalnika resursu ź im pavinna być zvarotnaja suviaź.
My siońnia ŭ kramach, atrymlivajučy dyskontnuju kartačku, zapaŭniajem ankiety, dzie ŭtrymlivajucca piersanalnyja źviestki. I ja nie bačyŭ, kab niechta mocna aburaŭsia hetym faktam! Tak i tut: va ŭładalnika interniet-resursu pavinny być źviestki ab kamientatarach».
Pavieł Lohki taksama dadaŭ pra praduhledžany ŭ prajekcie abaviazak uładalnikaŭ interniet ŚMI publikavać infarmacyju pra siabie.
«Ja kožny dzień raźbiraju pa dziasiatku ź lišnim zvarotaŭ hramadzian, što skardziacca, što nie mohuć dahrukacca da ŭładalnikaŭ sajtaŭ, znajści ich kantakty — niama zvarotnaj suviazi. I heta tyčycca nie tolki žurnalisckich materyjałaŭ — naprykład, moža być raźmieščana niepraŭdzivaja rekłama, fejk».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju10
Kamientary