Uvahu ekipaža DAI ŭ Homieli pryciahnuŭ aŭtamabil «Aŭdzi», jaki jechaŭ nasustrač na vielmi vialikaj chutkaści, paviedamlaje UUS Homielskaha abłvykankama.
Pačaŭsia pieraśled. Na patrabavańni ab spynieńni kiroŭca nie reahavaŭ i praciahvaŭ ruch. Pry hetym jaho chutkaść była nie mienš za 120 km/h.
U hety ž čas druhi ekipaž, jaki znachodziŭsia pablizu, padklučyŭsia da pieraśledu.
Kiroŭca «Aŭdzi» urezaŭsia ŭ kramu, paśla hetaha vybieh z aŭtamabila i schavaŭsia za joj. Inśpiektar DPS pabieh śledam, ale za kramaj nie ŭbačyŭ uciekača.
U hety čas adzin z žycharoŭ doma, pobač ź jakim adbyvałasia pahonia, vyjšaŭ na kuchniu i pačuŭ šum na vulicy. U akienca jon ubačyŭ, što za kramu zabiahaje mužčyna i chavajecca ŭ kantejniery dla śmiećcia. Paśla padjechała kareta DAI. Pa numary 102 mužčyna paviedamiŭ ab svaim nazirańni, i infarmacyju nieadkładna pieradali supracoŭnikam DAI.
U adnym z troch kantejnieraŭ supracoŭniki i vyjavili parušalnika.
Im byŭ 26-hadovy žychar Jelskaha rajona, jaki znachodziŭsia ŭ stanie ałkaholnaha apjanieńnia. Na jaho było składziena 5 administracyjnych pratakołaŭ.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam15
Kamientary