Sielvykankam u Kasucie, jaki prybraŭ stend sa zhadkaj pra Łapickaha: Za miesiac zrobim padmurak i ŭstalujem znoŭ
«Naša Niva» paviedamlała, što histaryčny stend, pryśviečany ŭradžencam vioski Kasuta ŭ Vilejskim rajonie zaznaŭ dziŭnyja mietamarfozy — niechta zakleiŭ słovy «hieroj nacyjanalnaha supracivu» u abzacy pra Raścisłava Łapickaha. 22-hadovaha chłopca savieckija karnyja orhany rasstralali za raspaŭsiud ulotak z prapahandaj niezaležnaj Biełarusi.
Jak paviedamlajuć čytačy, ciapier stend uvohule źnik.
U čym sprava?
«Našaj Nivie» na heta pytańnie adkazała Iryna Supranovič — staršynia Kryvasielskaha vykanaŭčaha kamiteta.
«U nas ciapier viaducca raboty pa dobraŭparadkavańni. I niechta byŭ jeździŭ i skazaŭ, što stend padhniły. Ja pajechała hlanuć, i sapraŭdy — adzin bok zhniŭšy.
Tamu my jaho sami i źniali, budziem pierarablivać tuju stojku, cemientavać, bo kali chłopcy toj stend stavili, to jany prosta drevam u ziamlu, biez padmurka. A tut ža vada pobač, ziamla takaja… Kali biez cemientu, to za dva hady i płaty ŭ ludziej uščent hnijuć.
Hrošy ŭ nas jość — na cemient i stojku chopić, ciaham miesiaca vierniem», — skazała Supranovič.
Ale chto i čamu zaklejvaŭ abzac pra Łapickaha?
«Chto kleiŭ, ja nie viedaju. Tam było tak, što niechta kleiŭ, a niechta adryvaŭ. Moža, heta i chulihanstva, ale da kaho tut prymianiać administratyŭny kodeks?», — padsumavała Supranovič.
Ciapier čytajuć
«Dyjalekt padazrony». Śpiavak Siaroha pryjšoŭ na rasijskaje realici i sabraŭ usich chejtaraŭ2
Kamientary