U Italii kot atrymaŭ u spadčynu ad haspadyni bahaćcie ŭ 1,5 miljona jeŭra, paviedamlaje miascovaje vydańnie Il Giornale di Vicenza.
Čečylija Anna ź Vierony, haspadynia čorna-biełaha kata pa mianušcy Piłu, ŭsio žyćcio pracavała ŭ Saviecie ministraŭ Italii. Žančyna pamierła ŭ 88 hadoŭ. U jaje nie było muža i dziaciej, i niezadoŭha da śmierci jana zaviaščała ŭsie svaje hrošy chatniamu ŭlubioncu, jakoha niekalki hadoŭ tamu padabrała na vulicy.
Bahaćciem Piłu rasparadžajucca pradstaŭniki Fondu ŭkładčykaŭ. Zhodna z volaj Anny, na hetyja hrošy katu pavinny akazvać pasłuhi vieterynara, zabiaśpiečvać kamfortnaje žyllo i zadavalniać usie jaho patreby. Ciapier žyvioła žyvie ŭ prytułku ŭ Miłanie, adnak jamu šukajuć novaha ŭładalnika. U jaho nie budzie prava rasparadžacca bahaćciem kata, i jon budzie abaviazany davać spravazdaču za vydatkavanyja na jaho srodki.
Paśla śmierci Piłu hrošy dastanucca adnoj z zoaabarončych arhanizacyj.
Kamientary