U Breście prajšła čarhovaja akcyja suprać budaŭnictva akumulatarnaha zavoda, na jakuju sabrałasia kala 80 čałaviek. Akcyja nie była dazvolenaja ŭładami, u adroźnieńnie ad mitynhu 29 krasavika «Bieraściejki suprać śvinca», što sabraŭ kala dźviuch tysiač čałaviek.
Jak paviedamlaje Tut.by, udzielniki akcyi sabralisia hrupkami na centralnaj płoščy horada, kab pakarmić hałuboŭ i abmierkavać budaŭnictva zavoda. Pratest byŭ «zavualavany» — nijakich łozunhaŭ i transparantaŭ.
U dzień akcyi na płoščy Lenina adnačasova prachodziła rekłamnaja akcyja haradskoha parka, rabotniki jakoha biaspłatna katali dziaciej na paravoziku. Akramia taho, pracavali animatary. Jak miarkuje brescki pravaabaronca Raman Kiślak, ułady takim sposabam sprabujuć zamaskiravać pratest.
Paśla zaviaršeńnia akcyi zatrymali troch udzielnikaŭ, u tym liku błohieraŭ Siarhieja Piatruchina i Alaksandra Kabanava.
Pratesty suprać budaŭnictva akumulatarnaha zavoda ŭ ekanamičnaj zonie «Brest» iduć z kanca lutaha — kožnuju niadzielu na płošču Lenina prychodziać ludzi, kab vykazać svaju niazhodu.
Čytajcie taksama: U znak pratestu suprać budaŭnictva zavoda ŭ Breście anarchisty pierakryli trasu M1, ale nie całkam FOTA
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni46
Kamientary