Dziaržaŭtainśpiekcyja płanuje dazvolić zdavać praktyčny ekzamien na aŭtamabili z «aŭtamatam». Pra heta havorycca ŭ prajekcie źmianieńniaŭ u Zakon «Ab darožnym ruchu», vyniesienym na hramadskaje abmierkavańnie.
Jak paviedamili va UDAI MUS, zakonaprajektam praduhledžana, što kandydaty ŭ kiroŭcy paśla aŭtaškoły zmohuć zdać praktyčny ekzamien na aŭtamabili z aŭtamatyčnaj tranśmisijaj. U takim vypadku vadzicielskaje paśviedčańnie budzie vydavacca sa admysłovaj adznakaj. Pry najaŭnaści takoj adznaki ŭ pravach kiravać možna budzie tolki mašynaj na «aŭtamacie». U hety ž čas asoby, jakija zdali ekzamien na aŭtamabili ź miechaničnaj tranśmisijaj, zmohuć kiravać transpartnymi srodkami jak na «miechanicy», tak i «aŭtamacie».
Kali ž kiroŭca, majučy na pravach admysłovuju adznaku, siadzie za rul aŭtamabila ź miechaničnaj tranśmisijaj, jaho dziejańni buduć rasceńvacca jak kiravańnie transpartnym srodkam, nie majučy prava kiravańnia.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary