Дзяржаўтаінспекцыя плануе дазволіць здаваць практычны экзамен на аўтамабілі з «аўтаматам». Пра гэта гаворыцца ў праекце змяненняў у Закон «Аб дарожным руху», вынесеным на грамадскае абмеркаванне.
Як паведамілі ва УДАІ МУС, законапраектам прадугледжана, што кандыдаты ў кіроўцы пасля аўташколы змогуць здаць практычны экзамен на аўтамабілі з аўтаматычнай трансмісіяй. У такім выпадку вадзіцельскае пасведчанне будзе выдавацца са адмысловай адзнакай. Пры наяўнасці такой адзнакі ў правах кіраваць можна будзе толькі машынай на «аўтамаце». У гэты ж час асобы, якія здалі экзамен на аўтамабілі з механічнай трансмісіяй, змогуць кіраваць транспартнымі сродкамі як на «механіцы», так і «аўтамаце».
Калі ж кіроўца, маючы на правах адмысловую адзнаку, сядзе за руль аўтамабіля з механічнай трансмісіяй, яго дзеянні будуць расцэньвацца як кіраванне транспартным сродкам, не маючы права кіравання.
Цяпер чытаюць
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў6
Каментары