Biełarusy ŭ 2025‑m jašče aktyŭniej kuplali novyja mašyny. Ci ŭdałosia pabić absalutny rekord i jakija marki ŭ topie?
Pahladzieli, jak rynak novych aŭto pieražyŭ 2025 hod i jakija mašyny čaściej za ŭsio kuplajuć biełarusy ŭ sałonach.
«Naša Niva» padličyła hadavyja ličby na padstavie štomiesiačnych spravazdač Biełaruskaj aŭtamabilnaj asacyjacyi (BAA). Jany źmiaščajuć źviestki za ŭvieś 2025 hod za vyklučeńniem listapada.
Tak, za 9 miesiacaŭ minułaha hoda aficyjnyja dylery pradali 37,1 tysiačy novych aŭtamabilaŭ. U kastryčniku realizavali 5000, a ŭ śniežni — 5700 aŭto. Abapirajučysia na hetyja źviestki i ličby za minuły hod, možna mierkavać, što ŭ listapadzie prodažy taksama byli ŭ rajonie 5000 novych lehkavych aŭto za miesiac.
Atrymlivajecca, što za ŭvieś 2025 hod aficyjnyja dylery pradali kala 53 000 novych lehkavikoŭ.
Dla paraŭnańnia: za 2024 hod u Biełarusi aficyjnymi dylerami było pradadziena 49 636 novych lehkavikoŭ. Takim čynam, hadavy pryrost letaś skłaŭ kala 7%.
Kali dadać da 53 tysiač novych lehkavikoŭ 6,7% na lohki kamiercyjny transpart (taki adsotak byŭ letaś), to ahułam aficyjnyja dylery minułaha hoda pradali kala 56 500 novych aŭto razam ź lohkim kamiercyjnym transpartam. U 2024‑m było 53 178 štuk.
Z hetaha vynikaje, što lepš, čym letaś, biełaruskija aficyjnyja dylery adčuvali siabie tolki ŭ rekordnym 2019 hodzie, kali ŭ Biełarusi było pradadziena 64 504 novyja aŭto z ulikam lohkaha kamiercyjnaha transpartu.
Ahułam top prodažaŭ novych aŭto aficyjalnymi dylerami pa hadach vyhladaje tak:
1‑ie miesca — 2019 hod
2‑ie miesca — 2025 hod
3‑ie miesca — 2024 hod.
Najhoršym byŭ 2022 hod, kali praz sankcyi i zychod suśvietnych aŭtavytvorcaŭ z Rasii prodažy ŭ aficyjnych dyleraŭ upali z 46 837 u 2021‑m da 17 234 aŭto ŭ 2022-m.
Jakija aŭto karystajucca najbolšym popytam?
Bolš za pałova prodažaŭ — kitajska-biełaruskija Geely/Belgee. Samaja papularnaja madel u biełarusaŭ — Belgee X50 (były Geely Coolray), na jaje prychodzicca kala 40% prodažaŭ aŭto marki Geely/Belgee. Na druhim miescy pa papularnaści idzie rasijskaja Lada.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary