Minčuki skłali rejtynh radzilniaŭ i akušerak

U hałasavańni HA «Naradžeńnie» pryniali ŭdzieł 1344 ankiety — tak źjaviŭsia rejtynh «Bieły busieł», jaki dapamoža paradzicham i ich siemjam u vybary miesca źjaŭleńnia małoha.

U padviadzieńni vynikaŭ byli ŭličany takija kryteryi, jak kolkaść tych, chto prahałasavaŭ za ŭstanovu achovy zdaroŭja, siaredniaja adznaka, raźmierkavańnie adznak pa radzilni, ahulnaja kolkaść dobrych vodhukaŭ i kolkaść stanoŭčych vodhukaŭ, pakinutych ab miedycynskich rabotnikach u dadzienaj ustanovie achovy zdaroŭja.

Najlepšyja radzilni Minska

1. Radzilnia № 6 (6-ja haradskaja kliničnaja balnica)

2. Minskaja abłasnaja radzilnia

3. Respublikanski NPC «Maci i dzicia»

Rejtynh radzilniaŭ pavodle siaredniaj adznaki žančyn

1. Minskaja abłasnaja radzilnia (4,4)

2. Radzilnia № 6 (4,3)

3. Radzilnia «Maci i dzicia» RNPC (4,26)

4. Radzilnia № 5 (4,14)

5. Radzilnia № 2 (4,08)

6. Radzilnia № 1 (3,5)

7. Radzilnia № 3 (3,4)

U dužkach — siaredniaja adznaka radzilni.

Rejtynh radzilniaŭ pa kolkaści stanoŭčych vodhukaŭ (adznaki 4-5)

1. Radzilnia № 6 (85,5)

2. Minskaja abłasnaja radzilnia (84,3)

3. Radzilnia № 5 (83,5)

4. Radzilnia «Maci i dzicia» RNPC (83,1)

5. Radzilnia № 2 (79)

6. Radzilnia № 1 (56,1)

7. Radzilnia № 3 (54,5)

U dužkach — ahulnaja kolkaść stanoŭčych vodhukaŭ (4-5).

Top-5 lekaraŭ pa kolkaści vodhukaŭ

1. Borys Iryna Vasiljeŭna (radzilnia № 6)

2. Adzincova Natalla Alaksandraŭna (radzilnia № 6)

3. Nikicin Dźmitryj Anatoljevič (radzilnia № 6)

4. Kapuścina Alena Raścisłavaŭna (radzilnia № 6)

5. Šmakaŭ Kanstancin Ivanavič (Minskaja abłasnaja radzilnia)

Top-5 akušerak pa kolkaści vodhukaŭ

1. Sidarenka Danuta Edvardaŭna (radzilnia № 6)

2. Bruj Alena Leanidaŭna (radzilnia № 6)

3. Biarozka Śniažana Sihizmundaŭna (Minskaja abłasnaja radzilnia)

4. Šućko Alena Antonaŭna (Minskaja abłasnaja radzilnia)

5. Volha

— Niekatoraja kolkaść stanoŭčych vodhukaŭ dastałasia akušercy pad imiem Volha, — raspaviadajuć u HA «Naradžeńnie». — Heta atrymaŭsia zborny vobraz. Možna mierkavać, što mnohich dobrych akušerak zavuć Volha. Ź inšaha boku, mahčyma, heta źjaŭlajecca pakazčykam taho, jak mała žančyn viedajuć svaju akušierku pa imieni i proźviščy, heta značyć nie viedajuć jaje asabista. Jany sustrakajuć jaje ŭpieršyniu ŭžo ŭ rodach. Ci pavinna tak być?

Navošta patrebny hety rejtynh?

Mnohija žančyny nie viedajuć, što majuć prava vybirać, u jakoj radzilni naradžać.

Viadoma, pry vybary varta ŭličyć, što nie ŭsie žančyny vałodajuć chvackim zdaroŭjem. Tamu kali ŭ žančyny jość niejkija asablivaści ciažarnaści ci chraničnyja zachvorvańni, joj nieabchodna ŭličvać, što ŭ našych radzilniaŭ jość i śpiecyjalizacyja.

Naprykład, u 1-j haradskoj kliničnaj balnicy śpiecyjalizujucca na rodach žančyn z endakrynałahičnaj patałohijaj, z patałohijami sardečna-sasudzistaj sistemy.

Śpiecyjalizacyja 2-j radzilni — zaŭčasnyja rody.

U 3-j balnicy akazvajuć dapamohu ŭ rodach žančynam z chvarobami nyrak i inšymi.

Pavialičyć

• 0
• 0
• 0
• 0
• 0
• 0
• 0
• 0