Sajt čačenskich sieparatystaŭ «Kaŭkaz-centr» nie paćviardžaje infarmacyi pra napad na carkvu ŭ Hroznym uzbrojenaj hrupy čačencaŭ z metaj zachopu załožnikaŭ.
Vidavočcy śviedčać, što pierastrełka pačałasia ŭ parku, jaki znachodzicca niepadalok ad carkvy.
Miarkujučy pa ŭsim, maładych ludziej sprabavali zatrymać pa navodcy, i jany ŭčynili supraciŭ. Paviedamlajecca, što sychodziačy ad pieraśledu, maładyja ludzi zabiehli ŭ carkvu, dzie ŭ hety čas ludziej praktyčna nie było. Nijakich załožnikaŭ jany nie zachoplivali. Čaćviora maładych ludziej zastalisia biez zbroi paśla taho, jak adstralali z abreza ŭ parku.
U budynku carkvy ich rasstralali i trupy vyvałakli na vulicu. Taksama paviedamlajecca, što pa mienšaj miery adnamu chłopcu pašancavała syści ad pieraśledu.
Viersija sieparatystaŭ adroźnivajecca ad aficyjnaj viersii ŭładaŭ Čačenskaj Respubliki. Ułady paviedamili, što tyja, chto napadaŭ, byli lohka ŭzbrojenyja, u ich byli tolki hładkastvolnaja zbroja i nažy. Ułady śćviardžajuć, što metaj bajevikoŭ byŭ zachop załožnikaŭ, a ŭ carkvie ŭ momant napadu znachodziłasia niekalki dziesiatkaŭ viernikaŭ.
Kamientary