Litva nie vyjaviła parušeńniaŭ pry nadhladzie ŭ aeraporcie biełaruski, jakaja skardziłasia na endaskapiju
Bolš za dva miesiacy biełaruski bok čakaŭ adkazu na zapyt ab nadhladzie Niki Košar u aeraporcie Vilni, kali biełaruscy zrabili endaskapiju. Adkaz biełaruskaje pasolstva ŭ Litvie atrymała 22 maja, piša Tut.by.
— Litoŭski bok paćvierdziŭ fakt detalovaha nadhladu, u jakim brali ŭdzieł i miedycynskija śpiecyjalisty. Kampietentnyja orhany Litoŭskaj Respubliki abaviazanyja pravodzić pravierku pryjezdžych i rečaŭ, jakija imi pieravoziacca, — kamientuje TUT.BY pres-sakratar pasolstva Biełarusi ŭ Litvie Pavieł Śluńkin. — Spadarynia Bohdan (u pašparcie ŭ Niki Košar inšaje proźvišča) nami była pra heta painfarmavanaja. Pasolstva vykazvaje hatoŭnaść da akazańnia dalejšaha konsulskaha sadziejničańnia našaj hramadziancy pa hetym zdareńni, u vypadku inicyjavańnia joju adpaviednaha razboru va ŭstanoŭlenym zakanadaŭstvam Litoŭskaj Respubliki paradku.
Litoŭski bok nie znajšoŭ nijakich parušeńniaŭ pry nadhladzie biełaruski Niki Košar.
Nahadajem, historyja adbyłasia 15 sakavika ŭ aeraporcie Vilni. Dziaŭčyna lacieła ź Pieru ź pierasiadkaj u Amsterdamie, a kali samalot pryziamliŭsia ŭ Vilni, jaje ŭžo čakali mytniki. Akazałasia, biełarusku padazravali ŭ kantrabandzie narkotykaŭ. Jak apisała sama Nika, jaje prymusili padpisać dakumienty na litoŭskaj movie, admovilisia pradastaŭlać advakata i śpiarša adpravili na renthien, zatym — na endaskapiju. Narkotyki nie znajšli, na raźvitańnie Košar skazali: «Vybačajcie za dastaŭlenyja niazručnaści, pryjazdžajcie da nas jašče».
U biełaruski jość prava źviarnucca ŭ sud u Litvie, ale jana «vyrašyła pakinuć hetuju historyju ŭ minułym».
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary