Jak «Motavieła» kapijavała lehiendarny skutar i što z hetaha vyjšła FOTY
U prodaž pastupili novyja skutary ŭ retra-styli Vesna ad «Motavieła». My paraŭnali mapied ajčynnaj vytvorčaści ź lehiendarnym italijskim Vespa, jaki ličycca samym pieršym paśpiachovym skutaram u śviecie.
Novieńki skutar Vesna uładalniki adnoj ź minskich viełakramaŭ vystavili naŭprost na vulicu — i nie darma, bo jon adnaznačna čaplaje voka ŭsich minakoŭ: i koler, i detali i forma vielmi pryvabnyja.
A voś tym, chto ŭvažliva hladzić staryja filmy i cikavicca kulturaj minułaha stahodździa, hety skutar padasca vielmi znajomym: motaviełaŭcy praktyčna paŭtaryli rysy lehiendarnaha italijskaha skutara Viespa kancerna Pjadžya.
Italijcy vypuskajuć Vespa ad 1946 hoda i dahetul. Licenzii na vytvorčaść «Viespy» kuplali roznyja zavody: anhielski, niamiecki, amierykanski, hišpanski i francuzski. «Viespa» źjaŭlałasia ŭ šmatlikich filmach, knihach, muzyčnych klipach, a taksama źjaŭlałasia adnym z atrybutaŭ brytanskaj moładzievaj subkultury modaŭ.
U 1957 hodzie dakładnuju kopiju Viespy vypuścili i ŭ SSSR, ale bieź licenzii. Mataroler nazyvaŭsia «Viatka».
Cikava, što ŭ minskaj varyjacyi skutara padobna nie tolki sama nazva z adroźnieńniem u adnu litaru — Vesna i Vespa, — ale i niečym samo napisańnie:
Biełaruskija kramy prosiać za Vesna kala 2400 rubloŭ, tady jak italijski mataroler kaštuje 7800 rubloŭ u ekvivalencie.
Abjom ruchavika Vesna 49 sm3, a značyć, kali ŭ vas jość pravy kiroŭcy katehoryi V, to vam nie treba atrymlivać dadatkovuju katehoryju A, kab katacca na hetym skutary.
Adzinaje pytańnie, jakoje zastajecca vyrašyć: dzie zachoŭvać skutar — na vulicy pad padjezdam ci, moža, na bałkonie?
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski31
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary