Rasijski žurnalist Arkadź Babčanka zajaviŭ, što jamu paviedamili ab padrychtoŭcy jaho zabojstva miesiac tamu i paprasili ab sadziejničańni.
Pra heta jon paviedamiŭ asabista na sumiesnym bryfinhu z kiraŭnikom Słužby biaśpieki Ukrainy Vasilom Hrycakom.
Jon paprasiŭ prabačeńnia va ŭsich za toje, što prymusiŭ pieražyć «usio heta». Asobna jon paprasiŭ prabačeńnia ŭ svajoj žonki i padziakavaŭ SBU za toje, što zachavali jamu žyćcio.
«Ja nie viedaju pra što havaryć. Tut było biez varyjantaŭ», — skazaŭ Babčanka.
Žurnalist patłumačyŭ, što apieracyja rychtavałasia dva miesiacy, ale pra zamach na jaho jamu paviedamili miesiac tamu, varyjantaŭ prymać ci nie prymać udzieł u insceniroŭcy ŭłasnaha zabojstva, pavodle jaho słoŭ, u jaho nie było.
«Ja bačyŭ, jak chłopcy pracavali, nosam buryli, jak bujvały. Siońnia hety čałaviek zatrymany. Detali kazać nie budu. Złačynstva dakazana. Usie dokazy vidavočnyja», — skazaŭ Babčanka.
«Majo žyćcio zachavali, ale samaje hałoŭnaje praduchilenyja bolš surjoznyja terakty i ludzi rychtavalisia surjozna», — dadaŭ jon.
Pavodle jaho słoŭ, u zakazčykaŭ było jaho fota z pašparta, jakoje jość tolki ŭ pašpartnym stale, što, na jaho dumku, śviedčyć pra dačynieńnie rasijskich dziaržorhanaŭ da padrychtoŭki jaho zabojstva.
Jon adznačyŭ, što złačynstva rychtavałasia da Lihi Čempijonaŭ i jon jak moh zaciahvaŭ čas.
«To nahu złamaŭ, jakuju nie łamaŭ nasamreč, to nibyta źjechaŭ kudy-niebudź», — rastłumačyŭ žurnalist.
«Pałova spravy zroblena, ja svaju pracu vykanaŭ. Ja pakul jašče žyvy. Nie dačakajucca», — dadaŭ Babčanka.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary