Honačny kaścium i hiel-łaki. Piać lubimych rečaŭ instruktarki pa kontravaryjnaj padrychtoŭcy
U našaj rubrycy «Piać rečaŭ» tradycyjna prosim roznych hierojaŭ padzialicca svaimi lubimymi kaśmietykaj, adzieńniem, cackami ci niečym jašče — karaciej, darahimi sercu rečami.
Siońnia pra svajo druhoje «Ja» raskazvaje instruktarka pa kontravaryjnaj padrychtoŭcy, maci traich cudoŭnych dziaciej — Adama, Jadvihi i Sievaśćiana — Maryja Vaškievič.
— Pa adukacyi ja jurystka. Paśla pajšła ŭ psichołahi: treba było ratavać siabie ad taho, što adbyvałasia ŭ žyćci. Siońnia druhuju nabytuju śpiecyjalizacyju ja vykarystoŭvaju ŭ svajoj instruktarskaj dziejnaści. Da mianie prychodziać kiroŭcy-pačatkoŭcy z pravami, jakija pakul nie ŭmiejuć narmalna jeździć. Vuču ich adčuvać siabie bolš ŭpeŭniena, parkavacca i ŭvohule pavodzić siabie na darozie biaśpiečna.
U honki mianie zaciahnuŭ budučy muž Paša. Ja zaŭsiody maryła pra ich, ale dumała, što heta historyja pra kahości inšaha, tolki nie pra mianie. A potym padumała: čamu? Budzie pra mianie!
Tak ja pryjšła ŭ škołu ekstremalnaha kiravańnia Siarhieja Aŭčyńnikava, a paśla zastałasia tam pracavać.
Možna skazać, što ŭ dekrecie ja amal nie była: kali nie na trasie, to doma za kampom. Škada, što dziaržava stymuluje darmajedstva siarod maładych maci. Kali ty pracuješ bolš čym na pałovu staŭki, to ŭ ciabie adrazu zabirajuć 50 adsotkaŭ materyjalnaj dapamohi. Tak što nie pracavać mnohim bolš vyhadna.
Honačny kaścium pad «Žyhuli»
Svaje šlem i kaścium źjavilisia ŭ mianie tolki viasnoj, a ŭ honščykaŭ heta ličycca vielmi surjoznym krokam. Adna sprava haniać na mašynie pieryjadyčna i brać abmundziravańnie ŭ arendu i inšaja — kupić pastajannaje, svajo. Heta novy ŭzrovień.
Kaścium byŭ pašyty śpiecyjalna pa maich mierkach u Homieli. Hety horad ličycca aŭtaspartyŭnaj stalicaj Biełarusi: tam tusujecca bolš za ŭsio honščykaŭ.
Archivy z malunkami i fotazdymkami
Tradycyja zachoŭvać usio, zroblenaje dziećmi, niešta źviazanaje ź ich raźvićciom, u mianie ad baćkoŭ. Jany taksama staranna składvali ŭ archivy maje malunki, dypłomy i ŭsiakaje takoje. Tut — i fotazdymki, jakich daŭno niama ŭ elektronnym vyhladzie, i Jadzin raskaz, kazki, vyraby… Usio heta mnie vielmi doraha.
Ekałahičny zaplečnik
Niejak my hulali z Pašam pa spartovaj kramie ŭ Litvie i jon źviarnuŭ uvahu na hety zaplečnik. Ja imhnienna zrazumieła, što bieź jaho adtul nie vyjdu. Jon z papiery, jakaja niečym pramočanaja.
Zaplečnik užo hady try sa mnoj. Kali ja nie z maleńkaj sumačkaj, to abaviazkova ź im. I ničoha ź im nie zdarajecca.
Hiel-łaki ŭsich koleraŭ
Ja vielmi lublu farbavać paznohci, lublu roznakalarovyja słoički. Raniej rabiła manikiur zvyčajnymi łakami, a kali daviedałasia, što z hielem usio amal toje ž samaje, tolki patrebnaja lampa — pajšła i nabyła jaje. Praces afarboŭki paznohciaŭ padobny na pracu malaroŭ: začyścić, abiastłuścić, zahruntavać, nanieści farbu i finiš. Z ulikam taho, što doma my mnohaje ramantavali sami, heta dla mianie vielmi blizki i zrazumieły praces.
Rablu manikiur ja vyklučna sabie, kamuści jašče z zadavalnieńniem pafarbavała b paznohci, ale poŭny kompleks — dakładna nie.
Vaza z Budapiešta
Upieršyniu ŭ Budapiešt my trapili ŭ miežach zvyčajnaha jeŭratrypu. Hety horad byŭ prosta ŭ śpisie inšych dla naviedvańnia. Ale kali my pryjechali tudy, to naša serca było raźbitaje i tak tam i zastałosia.
Hety horad dla mianie nie padobny na astatnija jeŭrapiejskija. Tam niama standartnych vuzkich vułačak, turystyčnaha hieta ŭ centry i ŭsich hetych biazhłuzdych konikaŭ u takich samych uborach, handoł z navučanymi handaljerami… Dla mianie ŭsio heta nienaturalna, štučna, a ja nienavidžu padrobki.
Kali paraŭnoŭvać Budapiešt i mnohija inšyja jeŭrapiejskija harady, to ŭ pieršy pryjazdžaješ, jak u hości, a ŭ druhija — nibyta ŭ zdymnuju kvateru, azdoblenuju pad daŭninu.
A vaza samaja zvyčajnaja, nabytaja ŭ miascovym «ašanie». Kaštavała kapiejki, ale darahaja jak pamiać. Jana idealna padychodziła pad styl našaha budučaha doma i adpaviadała majmu pryncypu: nie marnavać hrošy na supier-pupier rečy, kali možna nabyć niešta ničym nie horšaje, ale papraściej i tańniej.
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary