Biełarusy abmiarkoŭvajuć na forumach, što nie mohuć zarehistravacca ŭ polskim pasolstvie i konsulstvach dla padačy dakumientaŭ na šenhienskuju vizu. Kažuć, što svabodnych dataŭ niama da kanca leta. U čym sprava, TUT.BY vyśviatlaŭ u pasolstvie Polščy.
— Bolš za pałovu, 54% usich vydadzienych u Biełarusi šenhienskich viz vydadzieny tryma polskimi konsulskimi ŭstanovami, - paviedamiŭ TUT.BY dadzienyja za pieršy kvartał 2018 hoda pieršy daradca pasolstva Polščy ŭ Biełarusi Marcin Vajciachoŭski. - Polskija konsulstvy vydajuć hramadzianam Biełarusi bolš viz, čym usie astatnija konsulstvy krain Šenhienskaha pahadnieńnia razam uziatyja.
U pasolstvie adznačajuć: kab zadavolić popyt na turystyčnyja vizy, polskija konsulstvy vydzielili ŭ elektronnaj sistemie śpiecyjalnyja limity miescaŭ kampanii, jakaja prymaje vizavyja ankiety.
- Miescy, jak praviła, vydzialajucca na niekalki tydniaŭ napierad. Ciapier častka miescaŭ zabraniravana da siaredziny lipienia. Takim čynam, infarmacyja pra toje, što ŭsie miescy zabraniravany da kanca leta, nie adpaviadaje rečaisnaści.
Limity vyznačajuć u adpaviednaści z mahčymaściami polskich konsulskich ustanoŭ, a taksama z ulikam limitu miescaŭ, pryznačanych dla hramadzian, jakija vyjazdžajuć ź inšymi metami — naprykład, raście kolkaść pracoŭnych viz, tłumačać u pasolstvie.
— Varta źviarnuć uvahu na toje, što biełaruskija ŭłady pryncypova nie dajuć zhody na pašyreńnie štata konsulskich ustanoŭ Respubliki Polšča, heta značyć na pavieličeńnie kolkaści konsułaŭ. Niahledziačy na heta, kolkaść turystyčnych viz, vydadzienych z pačatku 2018 hoda da hetaha času, nie źniziłasia ŭ paraŭnańni ź minułym hodam.
U minułym, 2017 hodzie Polšča vydała ŭ Biełarusi 418 tysiač viz, na 5% bolš, čym u 2016 hodzie.
Ciapier čytajuć
Kalekcyju karcin Viktara Babaryki raspradajuć ź vialikimi źnižkami. Ale biez samaha darahoha dla jaho tvora5
Kamientary