Iryna Jabłonskaja: Chto z maich znajomych naviedaje «Pajedziem, pajadzim» — vykraślu z žyćcia
Śvieckaja lvica i dyjetołah Iryna Jabłonskaja ŭ siabie na staroncy ŭ fejsbuku ćviorda vykazałasia nakont skandalnaha restarana «Pajedziem, pajadzim», jaki znachodzicca na terytoryi, dzie raniej była achoŭnaja zona Kurapat.
U mianie nie ŭkładajecca ŭ hałavie, kamu pryjšła dumka na tym miescy pabudavać restaran. Ja nie razumieju, jak na heta ŭłady mahli dać dazvoł. Navat kali vy mnie budziecie kazać, što heta prosta zakusačnaja, to ja vam adkažu, što tam dzie ježa, tam — ałkahol. Dzie ałkahol — tam viesiałość. Heta śviatoje miesca! U 20-30 hadach minułaha stahodździa ad ruk NKVDšnikaŭ zahinuli bolš za 40 tysiač čałaviek, i heta nie zvyčajnyja viaskovyja mohiłki, kali vy mnie skažacie, što ŭsia Biełaruś na kaściach. Na miescy restarana pavinien być miemaryjał. I chaj dla stvareńnia jaho z nas usich źbiaruć hrošy, jak kaliści źbirali na biblijateku! Treba pamiatać i dzieciam, unukam i praŭnukam pakazvać. Niekatoryja z zahinułych nie pakinuli naščadkaŭ, a mnohija pakinuli, i im baluča bačyć, jak na miescy hibieli ich prodkaŭ z asałodaj pahłynajecca ježa, a chutka karparatyvy pačnucca i viasielli (vy ž heta razumiejecie). Kali b padobnaja situacyja adbyłasia dzieści ŭ Jeŭropie, uvieś narod by vyjšaŭ na vulicy i patrabavaŭ by źnieści budynak restarana. I praciahvałasia b heta da taho času, pakul ludzi nie damahlisia svajoj mety. Nielha zastavacca abyjakavymi da hetaj prablemy! Ja liču heta nacyjanalnym bolem. Bo vam by nie pryjšło ŭ hałavu viesialicca, naprykład, pobač z Chatyńniu abo Aśviencymam? Heta adno i toje ž! My pavinny šanavać pamiać niavinna zabitych! Usia kraina budzie «drenna» žyć da taho času, pakul buduć zaachvočvacca padobnyja prajekty i ludzi buduć ich naviedvać. U Minsku i vakolicach dastatkova restaranaŭ (bolš čym), kudy možna chadzić i nia atrucicca.
Kali ja ŭbaču svaich siabroŭ i znajomych, chto naviedaje hetaje miesca i pachvalicca ŭ sacyjalnych sietkach, zabłakuju i vykraślu z žyćcia. Viedajcie, što vy dla mianie pierastaniecie isnavać.
Ja hatovaja napisać pietycyju i adpravić jaje ŭ Administracyju prezidenta z prośbaj zakryć hetaje miesca nazaŭsiody. Kudy hladzić prezident i jak jon moh dapuścić takoje? Jon zvyčajna dumaje, što pra jaho padumajuć inšyja prezidenty i ŭsie ludzi ŭ śviecie. Mabyć, jon nie ŭ kursie!
-
«Vy viedajecie, što bolšaść biełarusaŭ ličać vas nikčemnymi chałujami?»
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
Ciapier čytajuć
Pobač z Łukašenkam na chakiei źjaviłasia novaja pryhažunia10
Kamientary