Zabarona na naviedvańnie lasoŭ usio jašče dziejničaje ŭ 83 rajonach krainy, paviedamlaje Ministerstva lasnoj haspadarki.
Za apošnija dni abmiežavalnyja miery byli źniatyja ŭ niekatorych rajonach Homielskaj i Hrodzienskaj abłaściej. Ale pažaraniebiaśpiečnaja situacyja zachoŭvajecca na bolšaści terytoryj. Za apošnija sutki ŭ lasnym fondzie adbyłosia 7 uzharańniaŭ. A ŭsiaho z pačatku pažaraniebiaśpiečnaha siezona zafiksavana 312 lasnych pažaraŭ.
Na pieryjad dziejańnia zabarony hramadzianam nie dazvalajecca znachodžańnie ŭ lasnym fondzie navat dla prahułak i adpačynku na pryrodzie, zabaraniajecca ŭjezd transpartu, za vyklučeńniem słužbovaha. Parušeńnie zabarony moža pahražać štrafnymi sankcyjami (da 25 bazavych vieličyń, 1 BV — 24,5 rubloŭ).
Kamientary