Minimalny zarobak vieniesuelcaŭ z druhoj pałovy hetaha miesiaca składzie try miljony balivaraŭ. Pra heta zajaviŭ u sieradu prezident Nikałas Madura, paviedamiła Vieniesuelskaje ahienctva navin. Da takoj adznaki vyraście i pamier minimalnaj piensii.
Z ulikam srodkaŭ, što vydzialajucca na nabyćcio charčovych tavaraŭ, harantavany dachod hramadzianina, jaki pracuje pavialičycca da 5,2 młn balivaraŭ. Raniej u hetym hodzie zarpłaty pa rašeńni ŭład byli padniatyja ŭ kancy krasavika z 300 tys. da miljona balivaraŭ, a ahulnaja minimalnaja suma vypłat kožnamu rabotniku — da 2,55 młn.
Pry hetym za adzin dalar ZŠA na čornym rynku ŭ Vieniesuele ŭ ciapierašni čas prapanujuć za 2,8 młn balivaraŭ.
Pavodle apošnich acenak vieniesuelskaha Centra dakumientavańnia i sacyjalnaha analizu, košt naboru praduktaŭ dla siamji ź piaci čałaviek u mai pieravysiŭ 220 młn balivaraŭ. Heta na 119 młn bolš, čym u krasaviku.
Kamientary