U indyjskim štacie Džarkchand uzbrojenyja ludzi vykrali i zhvałcili piaciarych aktyvistak NKA, jakija pravodzili vuličnuju akcyju suprać handlu ludźmi.
Dziaŭčat zaciahnuli ŭ mašyny i advieźli ŭ «addalenaje miesca», raspaviali Bi-bi-si ŭ palicyi štata.
Zdareńnie rasśledujuć, ale aryštavanych pakul niama, dadali ŭ palicyi.
Achviary złačynstva pracujuć u indyjskaj niekamiercyjnaj arhanizacyi. Jany pravodzili vuličnuju akcyju ŭ formie śpiektakla pra handal ludźmi ŭ addalenaj akruzie Kchunci.
«Paśla pradstaŭleńnia jany nakiravalisia da škoły pry miascovaj [katalickaj] misii. Prykładna ŭ hety ž čas da škoły padjechali ŭzbrojenyja ludzi. Jany vykrali piaciarych dziaŭčat z kamandy, pavieźli ich u džunhli i tam zhvałcili», — skazaŭ vysokapastaŭleny palicejski čynoŭnik u hutarcy z karespandentam Bi-bi-si na Chindzi.
Dziaŭčaty ŭžo znachodziacca pad abaronaj palicyi i čakajuć vynikaŭ miedekśpiertyzy, raspavioŭ inšy palicejski čynoŭnik.
Zhodna ź viersijaj śledstva, złačyncy mahli być prychilnikami miascovaj hrupoŭki, ahresiŭnaj da «čužyncaŭ» u rehijonie. Hetaja hrupoŭka, što karystajecca padtrymkaj u plamionaŭ, jakija žyvuć u akruzie Kchunci, navat raźviesiła znaki z papiaredžańniami dla pryjezdžych.
Kchunci — adzin z rajonaŭ Indyi, dzie kvitnieje handal ludźmi, pisała ŭ 2015 hodzie hazieta Hindustan Times. Pavodle rasśledavańnia žurnalistaŭ, u hetym i jašče ŭ čatyroch rehijonach štata Džarkchand vykradajuć ludziej — u asnoŭnym dziaŭčynak — jakich pradajuć handlaram ludźmi. Dziaŭčynak čaściej za ŭsio adpraŭlajuć u jakaści chatnich prysłužnic u zamožnyja damy Deli i inšych bujnych haradoŭ.
Pavodle indyjskaj palicyi, z 2005 pa 2015 hod u hetych piaci akruhach vykrali kala čatyroch tysiač dziaciej. U mai ŭ štacie Džarkchand adbylisia try vypadki zhvałtavańnia dziaŭčynak-padletkaŭ, jakich paśla złačynstva pasprabavali spalić žyŭcom. Kala 28% nasielnictva štata Džarkchand składajuć plamiony.
Uradu Indyi ŭ apošnija hady daviałosia zrabić bolš žorstkim zakanadaŭstva ab seksualnym hvałcie na fonie masavych pratestaŭ miascovych žycharoŭ paśla niekalkich hučnych napadaŭ.
Samym viadomym ź ich stała hrupavoje zhvałtavańnie studentki ŭ rejsavym aŭtobusie, jakoje adbyłosia ŭ Deli ŭ 2012 hodzie. U vyniku napadu dziaŭčyna zahinuła.
Niahledziačy na žorstkija miery, jakija byli pryniatyja ŭ suviazi z trahiedyjaj, uzrovień hvałtu i dyskryminacyi ŭ adnosinach da žančyn u hłyboka patryjarchalnym hramadstvie Indyi zastajecca vysokim.
-
Masavyja pratesty ŭ Iranie praciahvajucca. Pratestoŭcy zaklikajuć da źviaržeńnia ajatały Ali Chamieniei i viartańnia Rezy Piechlevi
-
U Portlendzie ahienty pamiežnaj słužby ZŠA paranili dvuch čałaviek
-
Tramp pra Kubu: Ja nie dumaju, što možna bolš nacisnuć na Kubu, čym prosta ŭvarvacca da ich i raźnieści tam usio
Kamientary