U kafe ŭ centry Hrodna skrali ściah Rasii, a potym paviesili Hiermanii dahary nahami FOTAFAKT
U vuličnym kafe «Hubiernia» na vulicy Savieckaj nieviadomyja skrali ściah Rasii, a mocny viecier skinuŭ pudziła dzika-fanata, jakoje pryjšłosia restaŭravać. Ściah i pudziła byli vystaŭlenyja, bo kafe — papularnaje miesca dla prahladu matčaŭ čempijanatu śvietu pa futbole, piša hrodna.life.
Supracoŭniki kafe raspaviadajuć, što ŭ ich kožny dzień prachodziać prahlady i zaŭsiody jość ludzi, jakija hladziać futboł. Ale prychodziać i tyja, kamu nie nadta padabajecca futbolnaja atmaśfiera.
«Kafe ŭpryhožvali da čempijanatu śvietu. Rasija — kraina haspadynia i nam udałosia znajści ściah hetaj dziaržavy, a taksama niekalki futbolnych majek i šalikaŭ, — raspaviadaje adna z pradavačak. — Ale prychodzili ludzi, jakija byli niezadavolenyja, što my vyviesili takuju simvoliku. Adna žančyna naohuł pierachodziła ŭsie miežy, my hatovyja byli vyklikać na jaje milicyju. A paśla adnaho futbolnaha viečara ściah Rasii naohuł skrali».
Skradzienamu ściahu znajšli zamienu — paviesili ściah Hiermanii, jaki prynieśli naviedvalniki. Jość tolki adna prablema — ściah paviesili dahary nahami
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary