Mikałaja Statkieviča zatrymali kala doma, udzielnikaŭ «akcyi vyzvaleńnia i salidarnaści» — na miescy zboru
Akcyja «vyzvaleńnia i salidarnaści», inicyjavanaja Mikołam Statkievičam, musiła raspačacca la vychadu ź mietro «Park Čaluskincaŭ», ale palityka zatrymali, kali jon vychodziŭ z domu. Chutčej za ŭsio, jaho zabrali ŭ Leninskaje RUUS, paviedamlaje Biełsat.
La jahonaha doma ad ranicy dziažuryli milicyjanty, usia daroha zastaŭlenaja aŭtamabilami DAI, pad domam stajaŭ aŭtobus dla pieravozki zatrymanych.
Mikoła Statkievič byŭ nie adzinym arhanizataram akcyi, tamu jana mieła adbycca. Adnak na płoščy kala mietro ludziej było mała, u asnoŭnym pravaabaroncy i niezaležnyja naziralniki, žurnalisty i cichary z navušnikami. Naziralnikaŭ, jakija nie ŭdzielničajuć u akcyi, zatrymali siłaviki ŭ cyvilnym, pasadzili ŭ aŭtobus, kab advieźci ŭ RUUS. Darohu pierakryli narady DAI. Na miesca padjechaŭ aŭtazak.
Ludzi ŭ cyvilnym biez paśviedčańniaŭ žorstka zatrymlivali ludziej i zakidvali ŭ aŭtazak, nie dajučy sabracca na akcyju. Schapili, u pryvatnaści, Siarhieja Sparyša z płakatam, jaki kryčaŭ «Hitler kaput!» i «Śmierć fašyzmu».
Paźniej stała viadoma, što la domu zatrymali Viačasłava Siŭčyka.
Pavodle papiaredniaj infarmacyi, na akcyi taksama zatrymali Maksima Viniaŭskaha, Andrusia Krečku, Taćcianu Samnikavu, Hannu Sachankovu, Alenu Bohdan, Juryja Miecielskaha, Andreja Chrenkova, Uładzimira Nieŭmiaržyckaha z Mazyra, Alesia Adamoviča, Ninu Bahinskuju, Jaŭhienija Hryško. Ich viazuć u Pieršamajskaje RUUS.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary