Pieršaja rekłama srodkaŭ dla haleńnia, dzie demanstrujucca sapraŭdnyja vałasy na žanočym ciele, vyklikała ŭ internaŭtaŭ hamu emocyj
Amierykanskaja handlovaja marka Billie, jakaja pazicyjanuje siabie jak fieminisckaja, niadaŭna vypuściła novuju rekłamu srodkaŭ dla haleńnia. Unikalnaść jaje ŭ tym, što ŭpieršyniu tam demanstrujucca nie idealnyja žanočyja nohi, a jak jość u žyćci: z pyšnym vałasianym pokryvam.
Zasnavalnik kampanii Džordž Huli ŭ intervju partału MIC raspavioŭ, što dla ich važna było pazbavicca ad kliše, što isnujuć u rekłamie, i pakazać cieła žančyn takim, jakim jano jość, nie nadumana idealnym.
Jon adznačyŭ: «Častka našaj kampanii zaklučajecca ŭ tym, kab skazać, što heta narmalna, kali ŭ žančyny na ciele jość vałasy, heta jaje vybar. Mnie padabajecca haleńnie, heta moj vybar, ale ja nie chaču, kab chto-niebudź kazaŭ, što mnie treba halicca tolki tamu, što ja žančyna».
Karystalniki interneta, u svaju čarhu, uspryniali rolik nieadnaznačna. Niechta ŭchvalaŭ ideju kampanii, ale znajšlisia i tyja, chto kazaŭ: «Davajcie jašče vykarystańnie tualetnaj papiery pakažam na ŭvieś ekran».
Dadamo, što nie tak daŭno źjaviłasia pieršaja rekłama prakładak z sapraŭdnaj kryvioju. Žanočaja častka hramadskaści pryznaje takija markietynhavyja chady prahresiŭnymi.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary